كشتي المنكووشه ماذا كانت وماذا اصبحت وصفه لعيونكم يالزينات

السلام عليكم..
حيا الله هالوجه الصبوحي..شخباركم؟؟
بصراحه يابنات أنا بعد ماجربت زيت الجرجير وشفت الفرق واضح بشعري قلت لازم اقوولكم عليه
احاول ارد لكم شوي من جمايلكم..
مايحتاج اقولكم معاناة شعري قبل !! وبصراحه انا قصرت في حقه كثير خصوصا اننا سافرنا شهر كامل
وتخيلوا شهر كامل كل يوم اغسله بالشامبو!!
يوم رجعت للبلد وبديت اكشخ صرت اذا استشورت شعري اشوفه طاير اشهب اللي يشوفني يقول جايه
من قعر الصحراء .. لا ينفع معه كريمات ولا حمامات زيوت..واهبط فيه من هنا بعد شوي الاقيه تقولون ليفه!
بديت ابحث عن حل لمشكلة شعري .. وحصلت على هالزيت اللي بتسوينه انتي بنفسك وبتلاحظين الفرق
طبعا مايخفى عليكم فايدة(الجرجير )للبشره والشعر اذا اكلتيه وله فايده كبيرة للهميجلوبين (لفقر الدم)
كل مافي الموضوع ان الطريقه ومافيها..
خوذي لك جرجير (توصي في الكميه كثري يعني) وقطفيها واغسليها..
اقدحي كاس زيت زيتون ع النار (أنا مااستخدمت زيت الزيتون استبدلته بزيت النرجين+عافيه لكن الطريقه
الأصليه تقول زيت زيتون)
وحطي عليه الجرجير واخلطيه بالخلاط بعد مايبرد..والأحسن تحفظينه بالثلاجه
وحطيه على شعرك مابين ساعتين الا 3 ساعات (أو اللي يقدرك الله عليه لكن الأفضل مايزيد عن 3 ساعات ولا يقل عن ساعتين)
مثل الزيت العادي هو..اذا حبيتي تسوين مساج سوي ترا زيادة الخير خيرين .. أو جيبي شعرك على قدام ومشطيه على قدام
يحرك الدورة الدموية .. ويطول الشعر..
واغسليه وسرحي شعرك او استشوريه ..
والله يابنات من اول مره حطيته وخواتي يقولون لي شعرك هابط وش الطاري؟؟
والحين صار لي اسبوع استخدمه
وناس يقولون لي لمعته قويه وش مسويه!؟؟
وناس يسألوني بأي فرد فارده شعري!!
ملمسه ماشاءالله ناعم..والشعره طايحه تقولين ناعم انتظروني شهر وأنا مع دعاية صانسيلك
وأنا على الله ثم هالزيت..
على فكره تراه يكثر الشعر لكن بالمداومه عليه..
طحيااطي وتمنياطي لكم بشعر حرير
أتمنى اشوف ردوردكم ومشاركاتكم وتجاربكم
ولا تنسووني من صالح دعااكم..
أختكم اللي شعرها حلو : فجوورة