كفاكم غش كفاكم نصب ارحمونا قصة لصديقة يا عرايس موضوع هام جدا

السلام عليكم
من العايدين وكل عام وانتم بخير
صادفت صديقة دراسة امس في مناسبة
كانت تكلمني عن حفل خطوبتها تقول :
حددت يوم الملكة وابي شي راقي وكشخة قدام اهل زوجي
وبدات ابحث وابحث عن شي زين وسعره رخيص , على بالي ان كل المحلات مثل بعض والفرق الارخص والاغلى !!!!
الديجي : كلمتها ورحت لها واكدت عليها وكتبت لها في ورقة واتفقنا على كل شي
يوم الحفل: حطتني تحت الامر الواقع , لا جابت الاغاني ولا حتى الزفة ما وفرتهلا , حتى اغنية الشبكة ما تدري متى تشغلها وعفست لي الحفلة عفس واخر شي طولت لسانها على ام المعرس وطبعا زعلت ام المعرس ومشت وطبعا لازم يلحقهم المعرس :(
الكوشة : رحت لهم واتفقت على الالوان ونوع الورد والفرش والخلفيات والكنب ورسمت له رسمة وصورت له بيتي وقست له الابعاد
يوم الحفلة : حطني تحت الامر الواقع , تاخر ما جا الا الساعة 3 العصر, لا الكنب جابه وغير لي نوع الورد ولون الاضاءة واخرتها يقول ما تبين ترى اشيل اغراضي وامشي !!!!!
التصوير : رحت لها وشفت واخترت الابوم اللي ابيه وعدد الصور ووعدتني تجيب لي خلفيات ووعدتني اكون موجودة وقت الطباعة واكدت عليها الوقت والمكان والعنوان واعطيتها رقمي ورقم اختي ورقم امي واتفقت معها فيديو ومونتاج
يوم الحفل : حطتني تحت الامر الواقع : جاتني الساعة 10 وموعدها 8
لا جابت خلفيات واضطريت ااخر زفتي وبعد كل هذا ما امداني اصور مع المعرس بعد الزفة لانه مشى مع امه لما كانت زعلانة من حق الديجي
ويوم الطباعة تقول لا لالالا ممنوع ما اقدر !!
طيب خلاص مابي تطبعين لي !
لا خلاص دخلتهم الطباعة !!
طيب وينهم ؟؟ وبعد ما تاخرت علي 3 اسابيع اخيرا سلمتني
واخرتها وش هالجودة ! وش هالشغل التعبان !1 :(
مايسوى اللي دفعته ولا يسوى حرق الاعصاب
وطبعا ما سوت شي من اللي اتفقت معها عليه !
ويدي على قلبي ما تطلع الصور هنا وهناك لانه واضح ان اللي طبعهم واحد
وطبعا الفيديو جابت لي كاميرا صغيرة تقول يهاذي اقوى شي في السوق !!
وين الكاميرات الدجيتال الكبيرة اللي شرحتي لي عليها مليون ساعة ؟؟؟؟
طبعا ما اعجبني المونتاج
اضطريت اخذه عند وحدة اعرفها ويا ليتني حاجزتها كان ازين
اتفاجأ تقول لي حبيبتي هذا مو تصوير اتش دي !!!
اقول لها دفعت فيه 4000
تقولي مسكينة هذا ولا حتى جنب الاتش دي !!!!!
رحت حق استديو ثاني قالوا لي نفس الكلام !!
يعني من الاخر خدعتني وغشتني وحطتني تحت الامر الواقع
الصبابات : اتفقت على 8 - 4 سعوديات و4 فلبينيات يجوني الساعة 7 وقسمتهم وعلمت راعيتهم كل شي وشرحت لها التفاصيل وانواع الضيافات وكل شي
يوم الحفل : حطوني تحت الامر الواقع
اول دفعة جوني 4 الساعة 8:30
وثاني دفعة جوني 2 الساعة 9:10
وال2 الاخيرات ما جاو خير شر
وطبعا لابسين الوان غير اللى اتفقنا عليهم
وكل ما قلنا شي ينافخون قالوا مالنا دخل هاذي الخدامة تسويهم !!!!!!!!!!
الضيافة : رحت حق وحدة تعمل ضيافات بيت
ورحت محل تشوكليت يحلف ان كل شغله من لبنان والكيلو بالشي الفلاني
وخلاص بتوصلهم واكيد واعتمد !
قبل الحفلة بيوم : حطني تحت الامر الواقع يقول اختي جيبي صحون او صواني !
واروح وافر افر وماحصلت الا صواني اجار الوحدة باليوم 800 ريال !!!!!!!
يوم الحفلة : وصلت لي الشوكليت ماهي باردة
واضطريت ارجع ارتبهم في الصواني يقول هو مايرتبهم لي !!
والا اشوف ستيكرات مكتوب عليه ( جدة ) !!!!!!!!!!
ويحلف يقول لي كله من لبنان !!!!!!!
لكن كله غلطتي انا
رحت عند محلات ماهي ثقة
و دورت الرخيص بس ما نظرت للجودة
مع ان الفارق دايما كان ما يتعدى 600-700 ريال
لكن انا رحت نفسي واخذت الرخيص وقلت كلهم نفس الشي
لا يحطونكم تحت الامر الواقع لانكم ما تعرفون ولانكم ما تفهمون
والله حرام حرام اللي حصل لي
نهاية القصة
والله ما اقول الا الله يعنيها وعساها تعلمت للزواج
كل عام وانتم بخير