كفاية وزن وكسل خلاص قررت اخيرا

1. السلام عليكم ورحمة الله وبركاته


2. احيان اطالع بالمراية اقول اوه ياصغر راسي فوق جسمي ههه

السلام عليكم ورحمة الله وبركاته

بنات قبل اتزوج كنت قمر ايش الجسم وايش الجاذبية انا احلي الملابس مو الملابس تحليني...كان وزني 53 وطولي 152 ,المهم يابنات تزوجت وحملت حمليت ورى بعض ماشاله ويضرب الوزن عندي ل 73 كيلو شوفو كم الفرق في ظرف سنتين بس...الان لما انزل الاسواق والله اتحاشى زوجي يدخل معاي المحل لان ما ينفع لي قياس غير ال XL وقبل كنت اللبس M وصرت بس البس الموديلات المبحبحة, الفراشة, والواسعة وبس بملابس البيت القمصان والثياب الواسعة وابعد عن التخصير حتى ما تطلع الفخوذ والارداف الي خلتني كائن غريب .

احيان اطالع بالمراية اقول اوه ياصغر راسي فوق جسمي ههه

ولحد قبل كم يوم جات ذكرى زواجنا ولبست فستان استرتش واسع واتمكيجت واترتبت وما جا زوجي من العمل الا من شافني قال اخ!!!! فرحت وقلت راح فيها الا يقول اخ واالف اخ خسارة كيف صار جسمك ياخسارة ضيعتي نفسك وجمالك ...يافشلتي تمنيت الارض تنشق وقتها..ومسك يدي وقال انا شريت لك سير لما طلبتي لتنحفي وكل ما قلتي على خلطات اخذتها لك بس اسألك بالله اش منتظرة؟؟!!
متى ترجعي عروستي...في نفسي اقول ايه يحقلك الحين جاموسة شايفني ما تنلام الوم نفسي اه
بنات صدق ما قدرت امسك دمعتي وسؤاله يطن بدماغي طول الوقت
اهتزت ثقتي بنفسي وماعدت بروح او اجي لان من يشوفني يقول يوه تخنتي ليش كذا جربي ذا او ذا او ادخلي نادي او روحي هنا او هناك....حزنوا بحالي
لكذا قررت.....
ببداء دايت قاسي يعتمد على:
الصيام +قبل افطر اشرب خلطة الكمون+ افطر على شابورة او فاكهة او خبز اسمر وصدر دجاج.+ا مشي على السير مدة سااعتين يوميا +السحور تفاحة او عصير برتقال
مع العلم اني رحت محل ارمال واخذت منه فيتامين للشعر والبشرة والاظافر حتى تكون هالفترة تصحيح لجسمي وشكلي داخليا وخارجيا
راح احط ببالي ان هالدايت مدته 20 يوم ثم اقيس بالميزان واخذ لي وجبة وحدة من اي شي احبه ثم ارجع 20 يوم دايت وكذا
لمدة 3 شهور
من تحب تبداء معاي يابنات...