كل اللي نزلت خلطه هنا أو في قسم البشره تعالن

1. الدنيا ماتستاهل علشان الواحد يحلف بكذب الله لايبلانا

السلام عليكم ورحمه الله وبركاته الى كل فراشه في هذا المنتدى....قبل ان تكتبي تجربتك لنا والى كل تاجرة تريد أن تبيع منتجاتها ...أريد أن أخبرك شيئا...لفت نظري شيء ما في مواضيعكن أنا لااعمم ولكن وجدت هذا الشيء بكثرة لا اريد انتقادكن ولكن اريد لفت انتباهكن لهذا الشيءوالنصح لكن عزيزاتي كثر الحلف بالله في اغلب تجارب الخلطات والزيوت وحتى التاجرات حتى تبيع منتجها تحلف ايمان وايمان انه يعمل كذا وكذا........الخ والبنات هداهن الله تحلف انه هذي الخلطه تعمل كذا وكذا.........
وبعدين ايش استفدتي من حلفك تبين الكل يصدقك او ياتاجرة تبين تمشي بضاعتك تحلفين وتحلفين وفيه من يصدق وفيه ناس ماتصدق أو علشان انه احنا المسلمين عامه نصدق لما الشخص يحلف لنا بالله عز جلاله لكل اللي يقرأموضوعي هل وصل بنا الحال للاستخفاف باسم الله عز وجل الى درجه انا نضعه في بيعنا وفي خلطاتنا تراها ماتسوى بس انه احنا النساء بشكل عام تعودنا نحلف على اي شي حتى لوتافه لا والمصيبه انه اللي تحلف احيانا تكون كذابه وتحلف علشان الكل يصدقها ......
مرة وحده من صديقاتي تقولي انها تحلف كثير في أشياء احيانا وماتسويها وفي مرة قالها أبوها يابنتي كنا زمان مانحلف بالله على شي الا لما يكون عظيم لاكن في الزمن هذا الكل يحلف صادق ولا كذاب .....
يمكن كثير مر علينا مواقف قابلنا فيها ناس يحلفون بالله وهم كذابين احكيلكم موقف انا ماتخيلت انه فيه ناس كذا ابدا كنت ادرس في مدرسه ورواتبنا كانت تتأخر كثير ولما نروح للمديرة تحلف لنا بالله ويابنات تدعي على نفسها بالمووت والجلطه واشياء ماتتخيلونها كل هذا علشان نصدقها وبلأخير تطلع كذابه

الدنيا ماتستاهل علشان الواحد يحلف بكذب الله لايبلانا

اعتقد بعد كلامي هذاكله يابنات وضح مقصدي من هذا الموضوع واتمنى ردودكم وخلونا مع بعض نتعاون على الخير واتمنى بعد كلامي هذا مافي احد ينزل حلف بالله على اشياء ليست بعظمه اسم الله عز وجل واعذروني على الاطالة
اتمنى اللي تمر على الموضوع تعطينا رايها
انا أول مرة اكتب موضوع في منتداكم اتمنى تثبيت الموضوع لأهميته شاكرة لكم