كل الي تقرأ مشكلتي وترد جعلها بالجنة ووالديها

السلام عليكم ورحمة الله وبركاته كيفكم يابنات ان شاء الله طيبين المهم بدخل في موضوعي على طول لاني متفائلة اني القى حل معكم لمشكلتي وبالأخص مشكلة بنتي الي عمرها سنتين ونص انتم بتحسون ان السالفة عادية بس الحقيقة انها مشكلة مشكلتها شعرها مجعد مره ماعمري شفت مثله في حياتي انا شعري مجعد بس ماهو لدرجة شعرها المشكلة ماكان بهاالشكل ماادري وش لون اوصفلكم حالته مجعد تجعيدات دقيقه يعني ماهو مموج وناشف احط فيه زيت اكثر من مره في اليوم ومايفيد واصلا مايتشرب الزيت يكون الزيت بين الشعر والله مااسمع بشي يفيد الا وحطيته حتى الفرد وجربته وتندمت وصار واقف كل من شافه قال ماتعتنين فيه وانا والله في اليوم امشطه اكثر من مره واربطه وازيته واقص اطرافه بس كل هذا مابان كأنه شعر افريقيه في الشكل تعقدت منه وتعقدت البنت وكل ماشفته احس اني شوي وبصيح ماقد شفت احد نفس شعرها وكل من شافها يرحمهامن شعرها لانه مخرب شكلها ........ الله يوفقكم يابنات ردو على مشكلتي ولاتتجاهلون الموضوع والله هذا اول موضوع اكتبه في حياتي واتمنى منكم انكم تتجاوبون معي الله يوفق كل من ترد علي ويرزقها ويرحم والديهاوينولها كل الي في بالها يارب حتى لو قالت ماعندي علم بالحل والله الي تعطيني علاج او شي يفيد في شعرها اني لادعيلها الله يجزاكم خير لاتبخلون علي