كل زوجة ثانية او تعرف زوجة ثانية تدخل

ال سلام عليكم ورحمة الله وبركاته
اسعد الله اوقاتكم
وافرح أيامكم
وختم بالرضا اعمالكم
ا نا كنت ومازلت احس إن الزواج مسؤولية وتعب وهم وغم
بتقولولي رومانسيه اقولكم الشهر الأول بس
حتى هذي دايم كانت ردودي إذا جابو سالفة الزواج
وكان عنوان الموضوع:عيشي حياتك قبل ما تتوهقين بالعرس
والله كلامك كله
جواهر والماس
ونفس اللي افكرفيه
بس انا ضد الزواج والمسؤليه نهائي
كل اللي ابغاه وظيفة
واسافركل ماسمحت الفرصة
انا مع أمي وخواتي
احس إني مليت من شغل البيت
كيف عاد إذا صار لي بيت كامل
انا مديرته
الله لايقولها
وهذا ردي في موضوع ثاني
والله كلامك كله
وانا اقول الحياة بدون شوية مشاكل
تكون ماصخه
لأنها بتكون حياة روتينيه وممله
ولو تبغين الراي السنع
صراحة الوحدة تجلس في بيت اهلها
معززة مكرمه
وإن كان الو حدة تتمنى إنها تكون أم
لكن يوم تقارن بين مسؤلية ومشاكل جلستها عند اهلها
وبين مسؤلية ومشاكل الزواج
لا والله الوحدة تجلس عند اهلها احلى واكثر وناسه وهدؤ من
الزواج وهمه
شوفيني مثلا لو تغيب امي عن البيت يوم
وتتركه لي هو واخواني
اقول يازين الوحدة وهي متقاسمة الشغل مع امها وخواتها
انام يوم واشتغل يوم
خلينا بس من الزواج والأحلام الورديه اللي تنتهي في الصباحيه
وهو جالس يتريق عند اهله عليك وإذا زعلتي يقول كنت امزح
على العموم هذا رائي الشخصي
وانا كنت دايم اقول لخواتي ولصديقاتي
لوبتزوج ابغى اكون الزوجة الثانية
او الثالثة او الرابعة
عشان ما اكون مسؤولة عن زوجي 24 ساعه
ويكون متعبته زوجته ونكده عيشته عشان يحس بقيمة هدوئي(لأن تقريبا هذي اهم صفة فيني)
والناقص عندي تكمله هي والناقص عندها اكمله انا
بدون ما احاول إني اخرب عليها حياتها
بالعكس ودي نكون خوات متزوجين زوج واحد
المهم
عمي من يوم انا صغيرة وهو كل ما ادخل عنده وهو يقول كيفك يا زوجة ولدي
علما إني ما اعرف ولده إلا بالأسم
بعدها سافرنا وبعدنا عن ديرتنا 13سنه ولا كان على بالي ولد عمي ولا غيره
لأن لا انا ولا خواتي ما حنا من النوع الرومانسي
بس نحب الوناسة والراحة
ورجعنا وكان متزوج له 7 سنوات وعنده طفلين
وبعد مارجعنا جا خطبني
وقعدت شهر افكر بين المسؤولية وإني بكون بنص مسؤولية
وكانت بنت عمي كل شوي تدق على اختي وتقول هاه وافقت
تقول اختي: باقي تفكر
تقول بنت عمي: ترا اخوي يبغى العرس بسرعه
قالت اختي: لا يكون اخوك ما خذ في اختي مقلب
هو ما يدري إنها دبه قالت هو يدري وقال ابيها لو كانت مثل الفيل
وتراه كان يبيها قبل الأولى بس عاد كنتم بعاد وخاف من امكم ترفض
بعد ما يوصل عندكم
لكن
ف ي الفترة الأخيرة صرت اقرا في شريط قناة بداية
كل زوجة ثانية تشكي وتبكي
وخوفوني اكثر ماني خايفة
على فكرة
انا ماراح انسى إنها زوجته الأولى وام عياله
وحده اسمها ام وسام ردت علي
في موضوع شعري
وكتبت بلاش تبنين سعادتك على تعاسة الآخرين
و انا والله العظيم ما ودي اكون زي اللي يصير في المسلسلات
كل زوجة ماتعرف الثانية
والاخوان يكبرون وهم ما يعرفون بعض
عاد إنتم وش رايكم
ياليت محد يدخل بدون ما يقول شي
ولكم خالص مودتي