كل شيء يربطنا ببعض الأولاد وبس

1. السلام عليكم ورحمة الله وبركاته

طبعا هذا موضوعي كتبته كمان في منتدى ثاني ونقلته لكم عشان تنصحوني

السلام عليكم ورحمة الله وبركاته

والله ماكتبت الا لمن شعرت اني محتاجه نصيحة من ناس تفهم اللي اقوله لأني اللي امر فيه محنه الله المستعان اسأل الله العلي القدير انه يفرج همي ويشرح صدري وينور دربي.........قصتي هي
انا متزوجه من خمس سنين تقريبا و زوجي قريبي,,,طبعا عشت سنتين انا وياه والله العظيم زي العسل كل ماتتمناه المرأه من زوجها كنت اشعر فيه شعرت فيها فعلا بمعنى الراحة النفسية والاستقرار بالرغم انو حالته المادية كانت سيئة و ماعندي اطفال وهذه مشكلة اخرى.........طبعا سبب التأخير كان من زوجي ...يعاني من مشاكل صحيه وتعالج والحمدلله طبعا فترة كانت صعبه علينا واحساس الرجل بعجزه مو سهل لكن استطعنا تجاوزها لتعلقنا الشديد في بعض والحمدلله رزقت بولد بعد اكثر من سنتين.......بعد ولادتي بدأت نقطة التحول في حياتي تخيلو غبت عن زوجي اكثر من شهرين ورجعت مشتاقه له وتفاجأت الببرود في استقباله لي تخيلو والله العظيم جلس اسبوع ماقرب مني ولا نام معاي ابدا حتى كلمة اشياق ماقال....سكت وتحملت قلت يمكن تغير الوضع طبيعي ...بعد كذا نقلنا بيت جديد واضطرينا نجلس عند اهله لحد مانخلص تأثيث البيت ..........تخيلوا هو راح ينام مع اخوانه وانا مع اخواته ولمن زعلت قال عشانك وعشان يساعدوك في البيبي.....صبر ةتحملت وجلسنا شهر على الحال.......وربي اعلم كيف مرت علي هالأيام
سكنا في بيتنا الجديد والله جلسنا تقريبا ست شهور على هالحال يمكن مايجيني الا مره في الشهر وتغير 360 درجه حسيت انه مو زوجي الأول .......تكلمت وشرحت وصراحته بالشيء هذا وقلت له حرام اللي تسويه في كان دايم يعتذر بالتعب والارهاق وانه مشغول في الدوام ,,,,,,,وخلال الفتره هذه سبحان الله حملت مره ثانية وهذا اللي زاد الطين بله صار يبعد عني اكثر بحجة الحمل ...........كل كلامه كذب واعذاره واهيه........ماامدح نفسي لكن انا مثل قبل ماتغيرت مع الحمل والولاده واهتم في نفسي واحسن من اول.........طبعا جاء البيبي الثاني ........استمرت علاقتنا من سيء لأسواء
مااعرف ايش اقولكم وايش اكتب دموعي تسبقني والحسرة تحرق قلبي ايش اللي غير حياتنا كذا هالحين صار لنا 10 شهور والله العظيم زي الأخوان كل شيئ يربطنا بعض الاولاد اكلهم وشربهم ولبسهم والاهتمام فيهم وبس..........وناكل ونشرب سوا
تخيلوا حتى ايدي مايلمسها والله اتمنى انه يبوسني والله مايرضى يقول بعدين تخيلوا.....عملت كل شيء لبس دلع حفلات هو هو تغير وقتي فقط ويرجع مثل اول وان عارفه انه احيانا يجاملني عشان ماتزيد الفجوه............أخرتها طلبته طلب ورفض ولمن حاولت اقنعه استغليتها فرصة وحظنته تخيلوا قال ( لاتجلسي تحظنني وتبوسيني) مستحيل رجال يتحمل يعيش كذا الا اذا كان في شيئ مو طبيعي
ماني عارفه ايش اسوي اذا شكيت لأهلي مستحيه ايش اقولهم وهذا قريبي ممكن تنعرف السالفه وبدل ماتنحل تخرب......واذا سكت مستحيل اتحمل هذه العيشه والله ذبلت ونحفت الكل يقول ايش فيك تغيرتي وانا اتعذر باولادي انهم متعبيني وهو من زوجي
انصحوني دلوني ابغى يحس فيني ابغى زوجي يرجعلي كل ماتذكر الماضي ابكي بحرقه على زمان سبحان مغير الأحوال مافي شيء يدوم على حاله......
عندي كلام كثير لكن صعب اني اقولها لكن ان شاء الله فهمتوا اللي قلته
واعذروني على رداءة الأسلوب
اسألكم بالله تدعون لي ربي يصلح حالي ويرد لي زوجي ردا جميلا
ياحي ياقيوم