كل فراشه تدخل ولها الاجر قصه صديقتي وزوجهاا

1. السلام عليكم عسولات


2. انا طبعا ماكتبت هالقصه الا لاننا نبي نوصل لحل لتحليل شخصيه هالادمي

السلام عليكم عسولات

انا طبعا ماكتبت هالقصه الا لاننا نبي نوصل لحل لتحليل شخصيه هالادمي

قصه صديقة عمري وصديقه الدراسه طبعا تزوجت وهي فسن 15 من شخص متزوج قبلها وطلق زوجته بعد شهر من زواجه وتزوج بعدها صديقتي لالامانه كانت رافضه الموضوع جملهوتفصيل لانها تبي تكمل دراستها ولافبالهازواج المهم ضغطت عليها امها..هي مو امها ولا الي عايشه معهم اهلها هي خذوها من دار الايتام وربوها..المهم وصلت الامور بينها وبين امها انها تصحيها ع كوب مويه ع وجهها وتفز كنها مجنونه وجزمتها انتهت صلاحيتها وانتوا بعزه وكرامه وخلتها تداوم وهي مقطوعه وغير وغير كل هذا ضغط عشان توافق والبنت زادت اصرار وبيوم جت من المدرسه الا وتلقى اخوها ينتظرها قالت امرني وشفيك كنك معصب ماتلقى الا الطراق ع وجهها وضربها ضرب اسبوع ماتنام مثل الناس من الالم وجسمها الوان اتاري الام راحت وقالتله اكيد لها علاقه باحد عشان كذا ماتبي تتزوج الغني الام مزغلله عيونها الفلوس ولاحول ولاقوة الا بالله طبعا الام ماتكلمها والاخوان نفس الشي بيوم جاترهم فنفس العماره نادت عليها وراحت لها قالتلها انصحك تزوجي وش تبين فناس سوو فيكي كذا..المهم البنت رضخت للامر الواقع وتزوجت ومن اول اسبوع دقت الام عالبنت والبنت عايشه مع اهل زوجها قالتلها اذا جيتي لاتجي الا ومعك 4000فاهمه..البنت استحت من زوجها وهي بالاساس قالت لزوجها من اول ليله ترا انا مغصوبه عليك..والاخ عادي وجهه مغسول بمرق مااهتم..قالتله ع سالفه الفلوس وطنشها ومن ثالث يوم ع اتصال الام جت لبيت اهله وسبت البنت سب والله الكافر مايسبه لكافر..ومن ضمن الكلام هذي عقربه ولها علاقات وراح تضحك عليك وتنسيك اهلك وكل هذا قدام اهله وخواته..وسكتت البنت وراحت تبكي وتقول بنفسها لو لي ام ماكان هذا حالي..الي ماله ام حاله يغم.. المهم بعده بفتره جت الام للبيت ومالقت ام الزوج وراحت ع غرفة بنتها وتفتش بملابسها وزوج صديقتي كان عامل عمليه وراح يراجع هو وامه..وهي تفتش لقت 5000 راتب الزوج خذتها كلها وراحت ومن جا والبنت لونها الف لون ماتدري وش تقول قالتله الحقيقه ناظر فيها وسكت ومن وقتها منعها عن امها وحملت البنت وولدت جابت بنوته مثل القمر وبيوم لقى واحد عالباب يقوله انت عندك موعد بالمحكمه وراح للموعد ولقى ام البنت بوجهه ودخلوا عالقاضي وكل واحد قال الي عنده القاضي قال جيب زوجتك وجابها ومن جت امها شالت المحكمه ع صوت واحد تدعي على البنت والبنت ساكته ولاحرف تنطق...دخلوا للقاضي سئلها هذي الي ربتك وهذا زوجك وبنتك تبي من اختاري قالت ابي بيتي وعيالي.. تدرون وش سوت الام..قالت جمله وحده..انتي بنت زنا وعمر الفرخ مايكبر..انفجرت البنت تبكي والقاضي اصدر صك بعدم زياره البنت لامها وقالها اجرك حق تربيتها ضاع بجملتك هذي..البنت انهارت تماما والزوج خذاها عالبحر ويصبرها..بس النفس خلاص انكسرت..عاشت البنت منبوذه من اهل الزوج والجيران لانها فنظرهم ماراعت الي ربتها ومافيها خير والخ الخ..راحت ايام وجت ايام الا وتلقى زوجها مهتم يوقف عالبلكون وخصوصا اخر الليل واحيان يكون بوضع مشين..سكتت لانها تبي توصل للسر ورا هالحركات الي تجرح مشاعر اي انسانه وبالفعل اكتشفت ان الزوج يبي يلفت نظر جارتها برجولته مع ان الجاره متزوجه ومرتاحه مع زوجها وكانت ع علاقه طيبه بصديقتي المهم حاولت الف مره تفهمه انه حرام الي يسويه مافي فايده وكانت حامل وقتها..وولدت ع خيروزارتها هالجاره وهي الوحيده الي زارتها..ويوم جت طالعه من باب العماره الا تلقى زوج صديقتي رامي نفسه بحضنها صرخت وهي مغطاه بعباتها قالها اسف ماانتبهت..والجاره من وصلت للبيت دقت ع صديقتي وخبرتها وهذي قالتله توني اعرف انك ماتراعي حرمه الجار ولاعندك ذمه ولاعندك ضمير..المهم ترك الجاره بحالها والجاره خففت من الزيارات لين صارت معدومه وصديقتي مع الوقت صارت تكلم نفسها ليه لان الزوج شال التلفزيون وكل الاجهزه الي ممكن تسليها ع اساس انه ملتزم..راحت ايام وجت ايام وفمره طلعت مع زوجها للبحر واذن المغرب وقال ابروح اتوضى من البحر قالت طيب والبحر ماكان فيه الا عئلتين او ثلاث وطول الرجال قامت ووقفت تبي تشوف وينه ع بالها شي شين الا وتصعق ان زوجها هم بوضع مشين بس وجهه ناحي وحده تلعب عيالها بالمراجيح..مسوي فحل الاخ..المهم جا وبكل وقاحه قال وش تبين انتي تقول ماقدرت اناظر فيه حتى من الاساس كارهه حياتي معه ومع هذا ماصانني تتفاجئ بيوم قالها بننقل من بيت اهلي لبيت ملك فرحت قالت وين تلقى هالبيت فضاحيه بعيده عن العالم وحتى الحي مافيه اناره ومن يئذن المغرب تسمع اصوات كلاب شي يروع..والسبب فنقلهم ان امه قالتله طلعها برا البيت لان زوجتك جابت ولد وبناتي بس بنات ولا ابي نفسيه بناتي تتعب..وبعد مرور كم شهر تلقى الزوج يغيب بعد الفجرمايجي بعد الصلاه تدق ع جواله مشغول وتروح لباب الشقه وتسمعه يضحك فتحت الباب بشويش وتسمعه يكلم وحده عالجوال وتدخل عليه الا وهو يتنحنح تقوله انت ماتستحي ع دمك عندك خوات خاف الله ترا ربي بيسئلك عن هاليتيمه الي عندك؟تقصد نفسهاا..المهم تكتشف انه تزوج هالبنت من وراها وبعدين طلقها..وجاب دش وقنوات اباحيه ويغصبها تشوف معه ولا لافي مقاضي للبيت ولا الاولاد يتمشواا..وغير كذا يشوف متى تبي تنام ويطلب منها تنظف البيت هالحين هالحين...وياما شافته يمارس العاده السريه واشيا واجد..بيوم من الايام فتح دولاب ملابسه وطلع احسن ثوب ورماه بوجهها وقالها اغسليه هالحين قالت طيب هو نظيف قال قلت هالحين غسلته وكوت شماغه ويوم لبس مد رجله لها قالها بسرعه جزمتي وشرابي جابتها له قال لا ياحلوة لبسيني ناظرت فيه باستغراب وقالت اعوذ بالله من الشيطان..وطلع ماجا الا الساعه 2 بالليل سكتت عنه جا ونام ع طول..بعده باسبوعين قالها تذكرين هذاك اليوم الي اهنتك فيه ذاك يوم عرسي وابجيبها للبيت..قسم البيت وبالفعل جابها بس ماشافوا بعض ..وبكل وقاحه دق ع جوالها قالها انزلي اطفي نور البيت حق الحوش لان الفجر اذن وانا تعبان فتحت باب الشقه وتبي تنزل الا وتلقى شي زاد احتقارها له ومن وقتها وهي تكن كل الكراهيه له وش تتوقعون لقت..زوجها فاتح الباب والباب يفتح عالمجلس ع طول..لقته يجامع زوجته قدامها..دخلت شقتها وسكت الباب وبعد ساعه دقت عليه قالتله تعال لاهنت..قالها نعم دخلته عالمجلس وجلسته عالكنب وعطته كف..قام يبي يظربها قالت هذي عشان تتعلم كيف تهين بنات الناس مسوي كفو ع راسي..ظرب الباب وطلع وزوجته ظلت تصارخ وش هالبيت انا ع سن ورمح اسكن هنا لالالالا ابي بيت بجده مثل العالم من سمعت صاحبتي هالكلام مدري وش جاها ارتاحت نفسيتها ع شنو مدري تقول حسيت اني اشم ريح الجنه..ولاعاد يهمني شي الي تحملته اتحدا وحده تتحمله وفسني..وبعد اسبوعين فقط جاها ومعاه اغراض بيته الثاني قالت خير؟ قال طلقتها..وبعده تكررت زواجاته من وراها لين وصلت ل7 وهي كل همها اطفالها..تقريبا ماهي مقصره بشي والتقصير لوجا منها مع انه بسيط معذوره لانها ماعندها شغاله
وربي راحمتها وانا بناء ع رغبتها نزلت قصتها لكم