كل مايخص الكثيرة من أ ألى ب

1. يسالون عنها


2. الاسئلة المتوقعة منكم


3. شنو الكثيرة


4. زين تخشن الشعر

بصرحة من كثر مايسئلون البنات عن الكثيرة حبيت اسوى بحث عنها انا راح أقول المعلومات ألى عندى وشكثر استفت منهاو نشالله تعجبكم بس ابى تجاوب معاى

يسالون عنها

الكثيرا هي عشبه او مادة اختلف في تصنيفها ولكن اتفق الجميع على أن لها مفعول السحر في تطويل الشعر وتكثيفه خلال شهر واحد يتوقف تساقط الشعر ليس هذا فحسب بل تحصلين على شعر غزير جدا ولايوجد أي خطر من استعمالها

الاسئلة المتوقعة منكم

شنو الكثيرة

• الكثيرا معروفه من زمان بس توكم يالبنات طايحين فيها وكثر عليها الطلب في هالاشهر بشكل خيالي وتستخدم لتكثير الشعر وهي مضمونه ومجربه .
• طيب وش احسن هي ولا زيت الخروع
• والله تبين الجد زيت الخروع مضمون ويكثر الشعر بس النتيجه تبين بعد فترة الكثيرا نتيجته تطلع بعد اسبوعين او خلال شهر.
• طيب علمنينى طريقة استخدامها ؟
• الطريقه الصحيحه لاستخدامها انك تنقعينها ليله كامله في مويه دافيه الى ان تصبح مثل الجل بعدين تحطينها على شعركمثل حمام الزيت بس انا احطها مع السدر + بيظة وشوية عسل وشويى كركم عشان لون شعرى أشقر
• كيف احطها على شعري على الجذور ولا الاطراف؟

لازم تفركين فيها جلدة راسك يعني تحطينها على الجذور لانها بتمنع التساقط عمومن على الشعر كلة بس ركزى على الاطراف

• كم ا خليها على شعري وكم مره اسويها في الاسبوع؟

خليها على شعرك حوالي اربع ساعات وبعدين غسليها وتسوينها مرتين في الاسبوع بس .

زين تخشن الشعر

• والله مو على كل الشعور على حسب نوعية الشعر ولكن الافضل اذا كان شعرك جاف انك تضيفين لها زيوت عشان تنعمه مثل زيت السمسم او زيت اللوز او جوز الهند وتقدرين تحطينهمكلهم لانه لا يوجد أي ضرر من الاشياء الطبيعيه .
• ويعني بهالطريقه نستخدمها بعد لتنعيم الشعر؟

اذا كنتي تبينها تكثر شعرك تاخذين الكثيرا وتدلكين فيها منابت اشلعر من قدام وجلدة الراس وعند الاذان وتخلينها ساعتين او ثلالث بعدين تغسلن شعرك بشامبو فقط ! وتكررين هالعمليه مرتين في الاسبوع .
الطريقه الثانيه اذا كنتي تبين شعرك ينعم تاخذين الكثيرا وتحين منها كثير أي بسخاء على شعرك من الجذور الى الاطراف وتمشطين شعرك الى ان ينفرد وخليه على شعرك حوالي اربع ساعات وبعدين اغسليه
اتمنى تكونون استفدتو ادعولى بستر والعافية