كل متزوجه فارق العمر بينها وبين زوجها 15 سنه او اكثر تدخل ضروي تكفون

مخفوقه بالزبده

21-01-2022 - 10:03 pm

يابنات وياحريم الفراشه ..
صديقتي تقدم لها شخص اكبر منها ب 17 سنه او اكثر ..
وهي بنهاية العشرينات وهو بنص الأربعين ؟!
ابي اي وحده في فارق عمر كبير بينها وبين زوجها تقولنا وش رايها
ابي كلام عن تجربه او قصه سمعتها ...
وياليت تقول عمرها وعمر زوجها كم ؟؟
ضروري يابنات بليز .. صديقتي قلقاننه حيل
وتبي تسمع تجاربكم مع هالزواج ؟!
هل فارق العمر يؤثر ولا بالعكس يكون حنون وطيب وعاقل ..
او بيكون هناك فجوه بينهم ؟!
ياليت تساعدونها وتفرجون همها بآرائكم
مع العلم انه صاحب خلق ودين .. وذوو شخصيه مرموقه في المجتمع وماسك منصب كبير في الدوله ..
بجد محتاجين وقفتكم الله يفرج هم كل بنت تدخل ونستفيد منها لو بدعوه في ظهر الغيب
جزاكم الله خير يارب
,,

التعليقات (8)

miss faisal

22-01-2022 - 01:07 am

ما تقدرين تقيسين تجارب الغير على تجربتك ابدا على حسب البنت واسلوبها وتفكيرها وعلى حسب الرجال حتى وتفكيره .. انا اعرف قربيباتي نفس الوضع بعضهم زواجهم ناجح وبعضهم لا .. عشان كذا اقولك هي المفروض تسال عنه بشكل دقيق وتوصي احد قريب منها بحيث تساله بالتفصيل عنه وبعدها تشوف اذا يتماشى مع ميولها اولا وضروري تراعي التوافق التعليمي والاجتماعي والفكري لانه يساعد في انجاح الحياة واستملارارها بين الزوجين .. اسال الله لها التوفيق

مخفوقه بالزبده

22-01-2022 - 02:08 am

ميس فيصل .. الله يشررح صدرتس يالغلا ..
وتظلين ميس طول عمرتس ..
صح ان كل وحده حسب تفكيرها وهو كذلك
بس يقوولون اسأل مجرب ولا تسأل طبيب ..
وهي بالنهايه تشوف وش يناسبها بس حلوو نقول تجاربنا ..
وهو انسان متعلم ودوبلوماسي معروف ..
وهي متعلمه وجامعيه ..
بس الي قالقها مسألة العمر ..
الله يجزاتس الجنه يارب
بنات بليز طلبتكم شاركوا بالموضوع نبي اراء وتجارب ...

miss faisal

22-01-2022 - 03:09 am

اذا قصدك عالتجارب راح اقولك : اعرف وحده الفارق بينها وبين زوحها 14 سنه ومره متفقين ومتفاهمين ويموت عليها ويدلعها بس واجهت بعض الصعوبات في البدايه بس هذا شي طبيعي ختى بين المتقاربين في السن .. واعرف وحده بينها وبين زوجها 10 ووخده 13 زكلهم ما شا الله زي الحلاوه .. لكن وحده فرق بيتها وبينه 8 سنوات وما اتفقو بس لان في فروق اجتماعيه وفكريه .. اتمنى افدتك واذا عاجبتها صفاته وسائله عنه زين لا تترد

مخفوقه بالزبده

22-01-2022 - 04:10 am

مرسيه كثير ياميس على سوالفك يالبى قليبتس ..
صادقه اهم شي بالدينا تفكير الرجال اكثر من عمره
فيه شباب بال 25 وال 30 وتفكيرهم تفكير شيبان
وفيه رجال اعمارهم فوق الأربعين ومااشاءالله قلوبهم شباب ..
بس مااقول غير يارب يووفقها
ماقصرتي ياقلبي

مخفوقه بالزبده

22-01-2022 - 05:11 am

له له له ... وربي عورتوا قلبي
ليه يابنات .. احنا هنا نساعد بعض ونوقف جنب بعض وننصح بعض
وش فيكم يالفراشات ؟!
تغيرتوا والله ...
لا حول ولا قوة الا بالله ؟؟!
تكفون فزعتكم ..

ام غراام

22-01-2022 - 06:12 am

شوفي انا تزوجت وعمري 17 وزوجي عمره 35وربي عايشه حياه روعه ومتفقين لدرجة اني حس وش بيقول قبل يتكلم وهو مثلي يحس ايش ابقول قبل اتكلم وبصرااحه مدلعني بشكل مو طبيعي ولي 5 سنوات واحنا عايشين كاننا عرسان
وبصراحه اذا تزوجتي اكبر منك بصراحه يعيش بدلع ويحس انك صغيره يحن عليك اكثر 00

مخفوقه بالزبده

22-01-2022 - 07:13 am

يابعد حيي ياأم غرام ..
ربي يتمم عليكم نعمته ويبعد عنكم عين كل حاسد وحقود
حصنتكم بذكر ربي ..
مشكوره على مرورك العسل ومشاركتك ..

حبيبـــه قلبيـــن

22-01-2022 - 09:15 am

شوفي خيتو
اذا تبين عن تجربه ..
انا الفرق الي بيني وبين زوجي 20 سنه والحمدلله مبسوطه ومدلعني حيل
انا في البدايه استصعبت الشي ذا الي هو فارق العمر لاكن مع العشره عرفت ان العمر ماله دخل في الانسجام ..
وانا الحين لي 5 سنوات وعاايشه احسن مايكون...
وفي الاخير خليها تستخير وتوكل امرها على ربها....؟
تحياتي...!@

اسئله للمتزوزين وبس←
نوعية الهدايا التي تجددالرومانسيه بين الزوج والزوجه→