كل مرة نتناقش فيها ننتهي بهواش كنت اكرهها و زاد كرهي لها

1. تمنيت انه احنا نختار كل شي ...


2. خلاصة الكلام اللي فوق << اخلصي


3. هو يبغانا ننقل اكيد ... و لا لا ؟؟؟؟..دوخني معاه والله

صباحكم / مساءكم ... سعاده
كتبت للفضفضه لايجيني الضغط
كل مرة نتناقش بهالموضوع انا و زوجي ننتهي بهواش او نقاشنا ما يتم و نقفل الموضوع ... طيب يا ترى على ايش نتناقش ؟؟ << فاضيه
على شقتنا اللي نبنيها ( بنفس العمارة اللي بانيها ابو زوجي ) ... هي بمنطقه بعيدة
اول شي اكرهها ليه ؟ لانه اذا بنسكنها راح نطلع من المنطقة اللي احنا حاليا ساكنين فيها .... و هي نفس المنطقه اللي انولدت فيها و عشت فيها و جبت فيها عيالي ... هي المنطقه اللي فيها كل اهلي و احبابي
باختصار كل مكان نمر فيه تقريبا يذكرني بطفولتي
طبعا تعبنا من ناحية المادة ( قروض و تحويل ) ... بس اقول الحمدلله بيكون عندنا حاجه ملك ( مع ان الواحد يتمنى فيلا او بيت صغنون ) و لا هم الايجار
بديت احبب نفسي فيها و قلت خلاص الحياة كذا مصيري بأنقل و بديت ابني خيالاتي و ايش راح اسوي بشقتي و تخيلت لمساتي بكل ركن ( و الله تخيلتها و هي الان توها تليست )
كل ما تناقشنا انا و زوجي ( طبعا انا اللي افتح النقاش اني اقول له ابغى اسوي كذا و كذا بالشقه ) ينههي النقاش مدري ليه ... يقول ما احب اتكلم في هالامور
يعني غالبا اذا جبنا طاريها هو على طول يسكت او يقفل على الموضوع .. مدري احسه يكرهها
اخر مرة تكلمنا فيها << طبعا هي اللي فتحت السالفه
عرفت منه ان اهله بدوا في الحمامات ( الله يعزكم ) .. طيب انا حاطه في بالي على اساس احنا نبدا نحط فيها اللي نبغى و نحب

تمنيت انه احنا نختار كل شي ...

قال لي عادي يعني و اذا , خليهم يخلصون الشغل اللي فيها ( يقصد ابوه و اخوانه ) ....
انا عادي عندي انهم يسوونها اذا بيخليها زوجي للاجازات نروح نجلس فيها اذا رحنا نزور اهله بدل ما احنا ننام عندهم و لا ناخذ راحتنا ... طبعا انا قلت كذا على كلام زوجي قال : ( هو مرتاح هنا بالشرقيه و مو شرط يطلب نقل و نخلي الشقه للاجازات ) << هذا كلامه
و بنفس الوقت قال و يمكن 90% اطلب نقل هالسنه و نروح نسكنها ... طيب مو اذا نقلنا على كلامه بيكونون اهله هم سووها

خلاصة الكلام اللي فوق << اخلصي

هو يبغانا ننقل اكيد ... و لا لا ؟؟؟؟..دوخني معاه والله

لانه هو قال عادي نقعد هنا 5 سنين خلالها ( << يمديكم عالكلمه ) نروح الاجازات هناك في شقتنا .... لانه هو مرتاح هنا و يبغى اصحابه اللي هنا و بعد قال لي اعرف انك ما ودك تنقلين لانه انولدتي و تربيتي هنا ... مع انه قال 90% انه ينقل اذا جا نقل نقلنا و لّا استمرينا هنا
و اذا بننقل .. مو من حقي اني اختار كل شي ببيتي و يكون من ذوقي و اختياري
مدري احترت ... و لا تقولون ناقشيه لاني اناقشه و بهداوة ووالله يعجبه ذوقي و تنسيقي في الامور و الافكار بس لازم نتناقر على هالسالفه
ادري طولت عليكم