كل وحدة مملكة تقول لي ايش تسوي لما يجي زوجها لها بليز لا تطنشوني

هلا حبيبتي الله يعيده على الامه الاسلاميه على خير ومبروك على الخطوبه الله يوفقك ويسخره لك يارب بصراحه المفروض انك تحافظين على حدودالخط الاحمر الفاصل بينكم اعني لما يجي تستقبلينه وتسلمين عليه والافضل بيدك بس بدون بوس وهذا كله عشان يموت من الشوق اطبخيه على نار هادئه صدقيني هذا من واقع تجربتي

الغالية انتي تبين بالتفصيل مايصير ؟؟ هذي خصوصيات : )..
عموما الوحدة لما يجيها زوجها في الف شي يشغلون وقت فراغهم فيه واول شي انهم يقعدون يفكرون كيف يبنون مستقبلهم ،، يشاهدون ،، يلعبون اي لعبة حلوة .. ياكلون مع بعض هيك شي : )..
اتمنى اني افتدتك ..يالغالية ..

حبيبتي انا الحين في فتره ملكه
وابي اقول لك الاشياء اللي نسويها اذا جا زياره
استقبله ونسلم على بعض خدود واحيان يسلم هو على يدي
واقدمله ضيافته وفي هالفتره نسولف في مواضيع عامه
وبعدها مره نجلس نشوف فيلم مره امريكي لرغبتي ومره مصري لرغبته
ومره اجيب اي لعبه عندي مثل المونوبولي مثلا واللي مثلها ونلعبها وربي نستانس عليها ويروح الوقت ما نحس فيه
ومره نلعب انا وهو واخوي او امي او ابوي او كلنا باصره فندخل شوي تغير علينا
وغيرها غيرها من الالعاب الكثيره
ومره جاني وكنت قبل يومين عرفت نجاحي في المرحله الاولى من الجامعه
فاستقبلته بفستان سهره وميك اب وتسريحه
وحفله في الصاله بمناسبه تخرجي وهو جاب لي الهديه
ومره عرفت انه ترقى بالعمل وسويت نفس الشي
المهم احاول اكسر الجلسه باي طريقه لو استمريتوا سواليف وقعده بلحالكم لابد انه ماراح يصبر ويسوي اي شي
فحاولي تسوين دايم حركه عشان ينصرف تفكيره وينشغل بك بطريقه طبيعيه وآآآمنه لك
لا جلستي انتي وياه بالحالكم انتبهي تقفلي الباب خليه مفتوح واضحكوا وامزحوا والعبوا واتناقشوا ترى وربي هالفتره لها ذكرى غير شكل
ودخلي اهلك عليكم كل شوي عشان تغيرين من الجو
انا بعض الاحيان استعين ببنت اختي اذا جاات عندنا وهي عمرها 6 شهور بس الاحظ انها تغير من وضعنا شوي
نجلس نتسلى فيها
واطلعي بعد معه اذا ما يصير لحالك خذي احد من اهلك معك
والله هذي كلها فيها تغير وذكريات لبعد الزواج مره حلوه
((نصيحه لك))
حاولي تصورين كل لحظاتك معاه مره فلاش ومره فيدييو ترى لها ذكرى ماتنسينها طول عمرك
اتمنى اكون افدتك وما طولت عليك
ودمتي

الله يسعد كل اللي ردوا لي

حبيبتي خليه هو اول اهتمامتك لكن في حدود يعني الرجل ما تعطينه كل شي مرة وحده يمل يعني يوم يجي عندك سلمي عليه بليد لكن حسسيه انك متلهفه لاكثر وبعدين في حركة كنت دايما اسويها وانا مالكة كان يتكلم وفجأة اسوي كأن في شي على خده او عيونه المهم اي منطقة في وجهه وكنت اقرب على وجهه وانفخ وبعدين اشيلها بيدي هاذي الحركة هي احد اسباب تعجيل الزواج ولها سحر مو طبيعي ولين اليوم يتذكرها ومثل ماجالت الاخت ناعمة العود لازم في خطوط حمراء والله يسعدك وانت وشطارتك والله يسعدك ويوفقك

اسلام عليكم اذا حصل العقد فلبسى مايحلوا لك اما اذاكان خطوبة فقط فلا انصحك مدرى اللة يجعلة من نصيبك انا حصل عقدى اصباح والخطبة اللعصر لبست لة لانة زوجى

الله يوفقك ياأختي ويسخرة لك يارب ويسخرهم لنا بعد يارب
ويجعله مايقدر يستغني عنك ولا لحظة
على كل اللي قالوة البنات يعطيهم العافية احب ازيد علشان تشوقينه اكثر انه يرجعلك مرة ثانية وهو طالع عطيه بوسه خفيفة على خدة ولا تعطينه مجال لغيرها والله يرجعلك بعد ساعة هذا وجهة نظري والله يوفقك الجميع

كل رجل يختلف عن الاخر....كما تختلف فتاه عن الاخرى....
هذي وجهه نظري.....
والله يوفقك يالغاليه
اهم شي استمتعي بهالفتره فهي احلى ايام العمر....

شكرا حبيباتي