كل وحده تفضفض اللي بصدرها وتقول العيب اللي بزوجها

1. السهره الخاصه

شوفوا انا عيب زوجي الوحيد انه اذا اجتمعوا اهله خلاص ماعاد درا عني انا وولدي تعبانه مرهقه زهقانه مايفكر فيني اهم شي مايفوت الجمعه مع اهله
تخيلوا لمن خلصت فترة النفاس سوا زوجي التمايم رحت الكوافيره وزبطتني خلتني عروس ولبست فستان خيال المهم خلص الحفل وكان فيه دي جي ووناسه المهم رجعنا البيت وانا بكامل كشختي وتوني مخلصه من فتره النفاس يعني وش الباقي

السهره الخاصه

كنت متلهفه لزوجي تخيلوا نزلني وكانت عمتي معنا وراح يوديها البيت طبعآ اخته وعيالها وابوه جا من السفر لانه متزوج ثانيه وعنده اولاد وبنات كبار المهم شكله اعجبته الجمعه كالعاده وخلاني انتظره من الساعه 1 ولا جاني الا الساعه 4 فجر قبل مايجي بكيت ورحت اغير ملابسي واتسبح علشان ماعاد ابغيه يشوف كشختي بعد ماكان الشعر مستشور والمكياج خيال بس خلاص حقدت عليه بشكل ماتتصورونه
تخيلوا لمن جا وبكل برود يقول وين كشختك قلت توك الحين تتذكرني قال لو انك تبيني كان دقيتي علي قلتي تعال بالله عليكم هذا رد؟؟؟ مستحيل اقوله تعال نكمل سهرتنا انا انسانه مو صريحه من هالناحيه انا بطبعي اتلبس واكشخ وهو يفهمها من نوع اللبس
انا كل مااتذكر تصرفه هذا احقد عليه احسه اناني مايفكر الا في نفسه مايبي تفوته جمعه مع الاهل والمصيبه انهم جنب بيتنا مو بعيد كل يوم عندهم ماقدرت تتفرغ هالليله وتقضيها مع زوجتك؟؟؟
انا اشوف انها مشكله تعلقه الشديد باهله لاتقولون تبينه يقاطعهم مستحيل اصلا الجدار فالجدار حتى في طلعاتنا يكلمهم يلحقونا خلاص اطرطع احس ان اهله زي الزوجه الثانيه تبي تاخذه مني ويميل لها اكثر مني مايبي يطلع الا وهي معنا
وضحتله هالشي قلت انا احب اهلك واحترمهم بس لاتجمع حياتك الزوجيه بهم خلنا مستقلين نطلع لوحدنا ابي احس اننا زوجين لهالدرجه ماتنبسط الا مع اهلك
ورب الكعبه لو يطلع احد من اهله انهم ماينادونا واذا طلعنا ناداهم مليت صرت اكره الطلعه
مدري وش الحل؟؟؟؟