كل وحده تقول المواقف الزوجيه المظحكه

اهلين بالحلوات كنت طفشانه شوي والعيال نايمين وابو العيال اتذكرت مواقف صارت لي في اول ايام الزواج قلت اشارككم واسمع المواقف الي صارت لكم بس بشرط كل وحده تدخل تذكر موقف يضحك عشان نفرفش اول موقف صار معايا يوم زواجي بعد ماخلصت الحفله رحنا الفندق وقعدنا نسولف لين الساعه 2 الفجر اسمع صوت المفتاح في الباب حق الغرفه عاد انا اقول لابو الشباب اسمع صوت وهو ولا على باله يقول وانا اسمع صوت قلبك مسوي فيها رومنسي المهم دقيقه الا والباب يفتح الحمد لله كان الباب مايذخل على الغرفه على طول في مذخل عاد وينط زوجي بشرت ركض على الباب ويصيح بصوته كله وشاف واحد وزوجته يوم زواجهم بعد اعطوهم الاستقبال مفتاح جناحنا بلغلط وصارت سالفه وبعد ماخلصت المشكله مع الاستقبال قعدنا نضحك على الموقف حتى العروس الي كانت مع زوجها يقول ابو الشباب قامت تركض والمعرس طبعا لانهم فتحو الباب على صوت ابونا وبعد الموقف الي صارقعدنا نضحك ونمنا طبعا بس اتوقع انه الرجال الي ذخل ماصار ينفع للزواج الموقف الثاني في بدايه شهر لعسل كنت قاعده اسولف مع زوجي ومالقيت كلام قعدت اكلمه على اللي يمشوا وهما نايمين عاد انا اقوله ابويا كان زمان يمشي وهو نايم وعمتي بعد المهم خلصت السالفه ونمنا وبعدين وانا نايمه حسيت بشي يمشي في رجلي نطيت وكانت الابجوره شغاله شفت ايش تخيلوا زهيوي عاد انا من الخوف وقفت على السرير وقمت اصارخ وزوجي قام مفزوع من صوتي وجا بباله اني نايمه اتوقع دام ابوي وعمتي يمشو نايمين اني مثلهم وانا انطط على السرير مو عارفه اتكلم بس صراخ وهو ماسكني ويقول اعوذ بالله من الشيطان وانا اصارخ وهو خايف اكون انصرعت وخايف اني اطلع برا الغرفه لان اخوانه في البيت والله ماعرفت افلت من يده ماسكني بقوته ويررد اعوذ بالله بسم الله بالعافيه نطيت من السرير بعدين قلت زهيوي ومتنا ضحك الموقف الثالث مره كنا مسافرين وكنت عندي بيبي عمره سنه المهم في ليله السفر جونا بيت عمه انا كنت عايشه في بيت اهله وجلسنا مع الضيوف وطلعنا الفجر منغير منام ورحنا بالباص حق طيران الخليج من الدمام للبحرين عاد انا خلاص موقادره اقاوم النوم وطلعت اول وحده من الباص للمطار ابغى كرسي اجلس فيه ذخلت المطار على بال ماينزل الشنط وكان الولد معاه المهم استنيت شفته طول ذخل كل المسافرين مابقى الا زوجي طلعت من الصاله لان الباص جنب الصاله الا واشوف شنطنا مرميه في الارض والباص مشى بعيد وزجي يركض وراء الباص عاد انا اناديه وهو بعيد مايسمع شافوني الرجال انادي قعدو ينادو عليه وبعدين انتبه اتخيلو ليش كان يركض وراء الباص يحسب اني نمت في الباص لانه ماشافني لما مريت يقول كنت ادور تاكسي بلحق الباص وكان يركض شايل الولد والله بهذل ابني كنا مفهيين منغير نوم بس كان موقف الله لايرده يالله عاد شاركونا بمواقفكم