كل وحده تكتب اش يسوون في زواجاتهم ليستفيد الكل

الحين في البلد الواحد تلاقين كل منطقه غير و كل عيله غير عن العيله الثانيه ..
بس في اشياء اساسيه ..في البحرين يعني معظم الناس جذي.. و هي ليله عقد القران و ليله الحنه و ليله حفله الخطوبه ..
و في عوائل ليله اللي يجون اهل المعرس لاهل العروس عشان يحددون المهر و يقولون الشروط و يتممون الموضوع يسوون أهل العروس حفله صغيره بين اهل المعرس المقربين و اهل العروس المقربين و بعده عشاء او بوفيه ..
و بعد فتره يتفق المعرس و العروس على يوم الزفاف بعد ما يجهزون المكان اللي بيعيشون فيه .. و يكون ليله حنه و بعدها ليله جلوه و بعدها ليله حفله الزواج ...
و طبعا في عائلات يسوون حفلات تراثيه يسمونها (المولد ) قبل او بعد ايام العرس والخطوبه تغني فيها نسوان اغاني مال اول و اناشيد دينيه و ناس تطبخ غذاء او عشاء باسم المعاريس يعزمون فيه الاهل و الاصدقاء و الجيران عادةً يوم ثاني العرس ..
حاليا هذي الاشياء اللي يسوونها .. و اللي اجوفها و ان شاء الله بنات البحرين الباقيات يعلمونكم اكثر اذا نسيت شي ..
موضوع حلوو.. علميني انتو شتسوون ..

لا اله الا الله
للرفع

ام
اماا عن جماعتنا
هي ملكة وحنه وزواج و صبحه
و بعض مننا ما يحب يسوي حنه ولا صبحه
و طبعن الملكه يكون بعضهم يسونها كبيره وبعضهم صغيره يعني عائليه على حسب
و الحنا يسونها كبيره و الزواج و الصبحه تكون صغيره بعد عائليه
بس يعني مافي شي غير عندنا
ثانكس ع الموضوع