كل وحده عندها تجربه عن الكلوميد وابر التفجير ياليت تدخل وتقول تجربتها

والله ياقلبي انا ربي مو كاتب لي اجربها مدري الابر يوم رحت ابي احطها حصلت بويضتي منفجره من حالها والكلوميد اذا ماحملت هالشهر ابدا اخذه والله اعلم

الله يرزقكك يارب.........وين الفراشات الباقي معقوله محد جرب؟؟؟؟؟؟!!!!

حبيبتي انا الكلوميد اخذته اربع شهور ورا بعض غير الي في السنه الاولى زواج كم مره متفرقات وفاد معايه يعني ما احتاج ابر للتنشيط ولله الحمد
والابر التفجيريه اخذها لمن تكون البويضه فوق 18
اذا ما كانت فوق 18 وفي الايام الي قبل 14 يوم من الدوره تقلك الدكتوره تعالي عقب يوم او يومين تكون كبرت من نفسها
واذا ما كبرة تعطيك ابره تكبرها
انا في هذي الشهور مرات تطلع لي بويضه ومرات تطلع لي بويضتين
يعني ممكن لو تلقحت البويضتين يجوني توام
بس ولا مره تلقحوا ربي ما كتب لي ولله الحمد
في رابع شهر قالت الدكتوره الشهر الجاي لو ما حملتي ما بعطيك كلوميد بسوي لك اشعة الصبغه
الي كان مفروض تتجه لها في الاول
وفعلا ما حملت وسوت لي الاشعه وطلع عندي الانابيب مسدوده
يعني اصلا الحيوان المنوي ما يوصل للبويضه
يعني الشهور الي فاتت والتعب والادويه
خمس اشكال اكلها بالفاضي
الله يكتب لي الاجر
الحمد لله حمدا كثيرا ملىء السماولت والاراضين وما بينها وبعدد خلقه وعدد ما ترمش عيون خلقه
بعد ما اعدة عمل اشعه الصبغه وبالتكرار انفتحت الانابيب وانا بانتضار الدوره تجي عشان اروح الدكتوره ويارب ما تجي
واطلع يارب حامل
بالمختصر انقل لك تجربة اختي مع الكلوميد لزيادة الفائده
اختي تزوجت وجلست 9 شهور ما حملت وراحت الدكتوره كتبت لها كلوميد اخذته من غير ابر ولا متابعه ولا شي طلعت حامل ثاني شهر تاكله
وبحملها الثاني من اول شهر اخذة كلوميد فاد معاها وحملت الله يخلي لهل عيالها ويحفظهم لها

هلا وغلا اختي كوثر الله يرزقكك يارب ووفق اختك....
انا مره كلت الكلوميد بدون ابر والحمدلله حملت على طول بس الله ماراد له يثبت وتميت 6شهور وكلت مره ثانيه وماحملت وتميت شهر وكلت بعد وماحملت ومن شهرين كلت كلوميد مع الابره وكان بويضتي حجمها 22ونص ووحده 14 والحمدلله حملت بس الله ماراد يتم.....واللحين مر شهرين وهاي الدوره اللي بعد دورة الاجهاض كلت فيها كلوميد بس زيدت الجرعه كنت اكل 3 حبات باليوم هالمره كلت 4 حبات باليوم وناطره موعدي يوم الاربعاء...والله يكتب اللي فيه الخير انشالله......

يارب ربي يكتب لك ولي ولاحتي ولكل المسلمات المتاخرات الحمل العاجل يارب

انا اكلت انواع كثيره من الكلوميد على مدى الاربع سنين
لكن الله ما كتب لي الحمل للحين
الله يرزقج و يرزقني و يرزق كل المسلمات

وانا اكلت سنين ومافاد معاي والنتيجة سمنه
الله يكتب لنا الخير ويرزقني وجميع المحرومين يارب

ksh5a girl
طيب أختي دامك تجهضين ليه ماسويتي تحليل أجسام مضاده ,لأني اجهضت في البدايه 4مرات وبالأخير قالوا تحليل اجسام مضاده وفعلا حملت بالمره الخامسه بس الدكتوره ماكتبت لي البيبي اسبرين وعطتني دواء ثاني وماناسبني وكمان اجهضت وهالمره رحت للدكتوره ثانيه وعطتني كلوميد الشهر اللي فات وصارت عندي اكياس سببت لي الم شديد وعطتني بروجسترون عشان ينزل الدوره ويخفف هالأكياس والشهر هدا ماخدت كلوميد بس تابعت اللإباضه وكان فيه بويضه بس صغيره 15باليوم ال13من الدوره وعطتني الدكتوره ابره عشان تكبر وطلبت متابعه بعد يومين لكن زوجي قال ماله داعي وبننتظر الين نشوف يصير حمل ولا تنزل الدوره ايه نسيت اخدت ابره تفجيريه لمن صار مقاسها 19ويارب يتم الحمل والدكتوره كتبت لي على الفوليك اسيد وهدا استخدمه من قبل لاأنولد خ والبيبي اسبرين عشان اللإجهاضات السابقه وقالت ادا بحول الله صار الحمل بتسوي لي تحليل ثاني للأجسام المضاده عشان ممكن احتاج الهيبارين ويارب ما أحتاجه ,ايه الحمل الأخير كانوا توأم ربي يعوضني عنهم وعن كل اللي اجهضتهم ب5في وقت واحد 3اولاد وبنتين بالصحه والسلامه لي ولهم آآآآآآآآآآآآآآآآمين ولكل من تتمناهم...

روزه الله يعوض عليج وعلينا بالاخير ولاحس ان شاء الله....
بس حبيبتي شنو يعني تحليل الاجسام المضاده ومتى اسويه؟؟...وشنو فايدته لو عرفت تكفين ردي علي لاني بروح على طول قبل موعدي الجاي يوم الاربعاء للدكتوره وبحلل علشان اعطيها النتايج واشوفها شنو اتقول؟....!!! وكم ياخد لين تطلع النتيجه....كم ساعه او كم يوم يعني؟...!!