كلكمبناتمتزوجاتمطلقاتأراملهل هذا الزوج ينطاق وينعاش معاه ولا افكر بالانفصال

السلام عليكم ورحمة الله وبركاته
والصلاة والسلام على رسول الله محمد صلى الله عليه وسلم
ابي كل وحده تدخل هنا تقرأ كل كلمة بكتبها زين ومضبوط ... واي وحده بترد علي تحاول تفكر بعقلها لاني اعرف اننا النساء تحكمنا العاطفه والمشاعر..
انا متزوجه صار لي سنه و4شهور ونص الآن.. عندي بنت 6شهور والآن للأسف حامل!!<< بقولكم بعدين ليه قلت كذا
من بداية زواجنا لاحظت زوجي مايصلي بس صلى كم فرض.. يمكن بس من اول اسبوعين زواج وخلاص وبعد مو بانتظام يفووت فروض كثير
انسان معقد الحرمه بالنسبه له المفروض تطيع زوجها حتى لو هو سبها وتهاوش معاها المفروض ماترد عليه ولاتدافع عن نفسها << هذا بالنسبه له طبعآ .يعني المفروض يسبني ويتلفظ علي وانا صم بكم
المهم اقولكم عن نفسي , انا انسانه الحمد لله مصليه وعارفه واجبات ربي لكن بصراحه اصلي المفروضات الخمس الاساسيه فقط يعني سنن والله ماصلي وهي والله في بالي لكن لانشغالي في بنتي والمسؤوليه جديده علي وموعارفه انظم وقتي زين لاني ادرس بالجامعه وحيبل اتعب ولاعندي حتى شغاله مو راضي يجيب لي زوجي
المهم انا ساكنه بمنطقه تبعد عن بيت اهلي ثلث ساعه او نص ساعه بالكثير بالسياره طبعآ , ماعندي احد قريب مني الا خالاتي طبعآ انا خالاتي احترمهم واحبهم كثير لانهم بحسبة امي وهي بعيده عني الله يطول بعمرها
.. المهم وحده من خالاتي مره من المرات صار فيه سوء تفاهم بينها وبين ام زوجي ومن يومها وهو حاطها براسه حاط دوبه ودوبها من اجيب طاريها ينجن يكرهها بقوه دايم يقول خالتك هذي قلق ويتلفظ عليها تخيلوا قبل امس تهاوشنا لهالسبب يغلط عليها والله يابنات ماودي اقول وش قال لكن خلاص طفشت من تصرفاته تخيلوا يقول عنها( كلبة )يكرم السامع,, المهم انا انقهرت وصرت ادافع عنها قلت لاتغلط ع اي وحده من خالاتي انتبه انا مارضى عليهم ابد, قلت له لو اغلط على خالاتك عادي؟ قال اغلطي عليهم وتشوفين وش اسوي فيك الحين..
تخيلوا يقول لي انا متزوج وحده بلهاء .. قلت له اذا انا بلهاء ع ماتقول ومو عاجبتك تعرف وش تسوي انت<< انا هنا قصدت الطلاق
قال وش اللي اعرف اسويه ؟ عشان اسويه الحين يله قولي .. قولي عشان اسوي اللي تبين؟ ((هنا حسسني اني رخيصه عنده مره!! يعني لو قلت له اذا ماتبيني طلقني كان سواها عادي))
تخيلوا ورب البيت من يوم تزوجته الى اليوم وهو يعايرني بالمهر قسم بالله العظيم كرهني بالعيشه معه لتصرفاته السيئه والشينه قلت له اذا مهري موعاجبك ليه خطبتني من اساس..
ومره من المرات قلت له مهرك برجعه لك بس ساعتها انا برحع بيت اهلي .. وهو قام يتهزأ ويضحك قال يله خل نشوف رجعيه...
المصيبه اني انا الحين حامل شهرين بالثاني لانه مارضى لي آخذ موانع .. وقد كلمت شيوخ لكن كل واحد يرسلني ع الثاني بالاخير ماحصلت جواب بخصوص اني ابي انزل هذا البيبي .. آه يابنات ليتني ماطاوعته وخذيت من وراه حبوب او اي شي والله لو اعرف انه يجوز انزله كان نزلته عالاقل لو صار انفصال يكون عندي واحد مو اثنين
والله العظيم يابنات هوشتي معه اللي قبل امس بسبب طاري خالتي اللي يكرهها كنت مسخنه لنا العشاء قام وضرب الصحن من يدي وطار الرز بكل مكان وتنثر حرام نعمة ربي يسوي فيها كذا دايما مو اول مره, وكان يبي يمد يده علي بس عشاني حامل ماقدر يسوي شي او يضربني
انسان معقد مره من المرات يقول المفروض المره مايكون عندها جوال قلت خلاص لاصرت انا بعيد عنك ولا عند اهلي لاتكلمني وشاري له بلاك بيري يوم قلت له ابي واحد نفسي فيه زيك يقول لأ هذا مايصلح للحريم مو زين انسان معقد يعني انا وش بسوي فيه حرمه متزوجه وفاهمه كل شي..و دايم جوالاته مقفله برقم سري وحسابه على الكمبيوتر بعد , ودايمآ يقول لي لاتفتشين بأغراضي من وراي ياويلك
تخيلوا مصروف الى اليوم مايمشي لي يقول لين تخلصين الكليه وتتخرجين (لكنه يعطيني حق مصاريف الكليه بس ع قد الاسبوع وكل ماخلص اللي معي يعطيني ع قد اسبوع او اسبوعين وهكذا كل مره) واذا طلبت شي يجيب لي اياه وفيه عيب اذا رحنا السوبر ماركت وكنا زعلانين مايخليني آخذ اللي ابغى مع انهم كلها اغراض بيت واذا واجهته اقوله عيب ترى الرجال يحرم الوحده من اللي بخاطرها ترى راس ماله اكل عيب!! يرجع يقول تدرين اني ماعمري حرمتك من شي بس بسبب تصرفاتك ولاني زعلان منك بس انا احس الشي ذا عيب مهما كام صح ولا لا يابنات؟
تخيلوا مرات يطلع لاصار عنده اوف يخليني انا وبنتي بلحالنا بالشقه ويروح البحرين مع واحد من اخوياه يطلع من بعد المغرب او العشاء ومايجي الا 2 او 3 الفجر لا وبعد مايقول لي لكن انا اعرف واواجهه بعدين
والله يابنات اني طفشت من ذا العيشه الزفت احس ربي مو راضي علينا ولا موفقنا بسبته انسان مقصر بصلاة ربه دايم يتكلم بأعراض فلانه وعلانه وانهيه وقوله مو زين حتى لو فيهم شي حسابهم ع ربهم لكن مافيه فايده
حتى مستوانا المادي مو عاجبه دايم يطالع لفوق ويقول انا ابي اصير غني وصاحب املاك وفلوس.. ماقلت شي اغلب الناس يتمنون كذا.لكن الانسان يحمد ربه ع كل حال و اللي هذا اوله بدون شي يطلع البحرين ومدري وين ولا يقول لي اجل بكره لاكثرت النعمه وش بيسوي هذا الانسان بصراحه ينخاف منه,, حتى براتبه كذب علي من اول ماتزوجنا يقول راتبنا كذا وكذا الى ما اكتشفت ورقه وقريتها واكتشفت ان الراتب اكثر مما كان يقول لي!!
ماقولكم انه مايحبني لأ بالعكس لكن وربي وقت الهوشه والزعل احس انه خراط مايحبني,, ولا اقولكم انه مايطلعني ولانتمشى بالعكس لاصار الأوف نطلع ونتمشى ونتعشى وكنا قبل مااولد نروح البحرين سواء ودايمآ يقول لي راح نسافر بالمستقبل بعد ان شاء الله لكن لين نسوي بيت اول وتتعدل الظروف ودايما بعد يقول انا عارف اني مقصر بحق ربي والصلاه وبصلي ان شاء الله ,, لكن كلام اسمع فعل ماشوف
ادري طولت لكن والله اني عادتكم خواتي واقسم بالله اهلي مايدرون بالموضوع لاني مابيهم يتضايقون عشاني ولان امي تعبانه تكفوون ادعوا لها بالشفاء تدرون من اول ماخطبني وهي ماارتاحت له لكني استاهل ماطاوعتها واخترت بنفسي!!
بصراحه بصراحه احيانا افكر بالانفصال للأسباب اللي ذكرت لكم .. انصحووني