كلمات الوفاء لاعاد احد يطري لي سيرتها زوجي يخوني ساعدوني

السلام عليكم ورحمه الله وبركاته
كيفكم خواتي
انا كنت اكتب في الخيانه وكنت احاربها واشيل هم كل وحده يخونها زوجها وبين يوم وليله اكتشف ان اوفى الناس لي خانني وهو زوجي
انا توني عروسه لي حول الثلاث شهور
اكتشفت ان زوجي يخوني بالمسن بالمحادثات مع بنات ويخوني مع وحده بالجوال متزوجه
واجته اول مره بالمحادثات وانكر وقال انها مفبركه وان له اعداء ومن هالكلام يحسبني غبيه وهو عصبي خفت يضربني وقلت له انا متاكده انك تخوني مثل ماني شايفتك قدامي الحين لكن الله يهديك لاتدمر حياتنا انا ماقصرت في شي
رجع يصارخ ويقول انتي نكديه وشكاكه
مر شهر على كشفي له واكتشفت امس انه يكلم وحده بالجوال وهي حبيبته من قبل مطلقه وعندها بنت وتعاهدو على الزواج بس اخوها رفضه
ومازالو يتراسلون بالرسايل
انا تعبت يابنات زوجي من بنت لبنت لو انها بالمسن كانت هانت مجرد كلام لكن توصل للجوال احسها حيل صعبه
وابوي انسان شديد ومن البدايه اصلا ماكان مقنتع فيه بس انا اصريت اخذه لانه راعي صلاه رغم حركاته
انا اطلب الطلاق وهالشي مايجوز واخاف ابوي يتشمت فيني لانه قد نصحني منه وابوي لادخل بالسالفه بيخربها مستحيل يصلحها
انا لسى ماحملت وخايفه اتوهق بهالخاين
انصحوني وش اسوي
فرج الله همكم