كلمات روعه

منقول :للامانه......
أتعبث بأوراقي القديمه ولقيت هذي القصيده اللي كتبتها من سنوات
وحبيت اني اكتبها لكم...
وأهديها إلى ((روح أغلى صديقه الله يرحمها))
كنت انا زعلانه منها ........ ولا اقول خلو القصيده تعبر بفسها...
(( ليه رحلتي ))
رحلتي يالحبيبه بدون ماتودعيني
خذاك الموت وأبعدك عني بعيد
رحلتي وليتني سامحتك قبل ماتخليني
كنتي ترّجيني أسامحك وأنا عنيد
كنتي حاسه بعد ذاك اليوم مابتشوفيني
كنتي تذرفين دمعك وأنا قلبي حديد
ليتك طلبتي الموت إنه معاك تاخذيني
بعدك أنا الميت لوصار عمري مديد
بعدك أنا الميت اللي بحزني عليك ذبحتيني
بعدك الفرحه غريبه وماتعود من جديد
بعدك الدنيا سواد بسواد ليتك رحمتيني
أنطفت أنوارها وكل احساسي فيها بليد
حبيبتي تراني سامحتك أرجوك أسمعيني
حبيبتي تراني مازعلت ولا قلبي كان حديد
بس كنت بشوفك شكثر أنتي تحبيني
وعرفت تحبيني وأنا أحبك موت والله شهيد
يالله أنك ترحمها وبالجنه تلتقيني
وتغفر ذنوبها يالله يارحمن يامجيد . . .
وسامحوني على القصور لأني كتبتها بلحظة صعبه,, وما عدلت فيها عقب