كم أنتظرتي حتى أصبحتي أم أرجو الدخول والرد

اني عمري 28سنه الحين اكملت 15سنه على زواجي وطول هذي الفتره الطويله لم يحصل حمل في البدايه ماراجعت اي دكتوره عشان كنت لسه صغيره وكمان زوجي كان مسافر دائما بس الحين الحمدلله استقرينا مع بعض من 3سنوات وعملت كل التحليل المطلوبه والحمدلله كلها سليمه وكذاعملت التلقيح الصناعي ومانجح معايه اني الحمدلله راضيه بس الي حاز في نفسي زوجي الله يحفظه هومايتكلام بس اني حاسه فيه رب يعوض صبرنا خير

الله يرزقج و يرزقني و يرزق كل المسلمين
انا للحين ما حملت
لكن اعرف ناس كثير طولوا و بعدين الله رزقهم
اعرف وحده حملت بعد 17 سنه و بعدها بسنتين جابت غيره
ما شاء الله ... أعتقد تعالجوا بالاردن والله اعلم

متزوجه من سنتين و4شهور وعمري 21بس ماحصل حمل وزوجي سليم وانا ماعندي هرموتات ولاتكيس رحت اليوم لدايه ومرختني وقالت عندك كيس في الرحم وعلشان كذا المني يطلع برا وكانت توصفلي نفس الي يصير معي وكانها انا حسيت اني مرتاحه منها والله يابنات انصح كل متاخره في الحمل انها تروح لدايه احسن من المستشفيات لعبو فينا
اختي لعبو فيها وبعدين ملت منهم وراحت لنفس الدايه وماجلست شهرين الاوحملت الحمد لله وانا متفائله منها والله كريم

هلا حبيبتي
انا تزوجت 2001 وحملت 2006
وولدت بطفلي الوحيد 2007
سويت اطفال انابيب سنه 2004 وفشل ولله الحمد
عالجت هرمونات وابر تفجير وبدون جدوى
سويت منظار مرتين ...
زوجي عنده دوالي الخصية
وانا عندي البطانه الهاجره وميلان في الرحم
حملت بعد ما سويت الحجاما الجافة في اسفل البطن واسفل الظهر ونفس الشهر الله كتب وحملت
يعني لو الله كاتب لنا الحمل ما في شي يمنعه لا مرض ولا غيره ... يعني كل شي بأراده رب العالمين
والحين صار 10 شهور احاول احمل وما حصل حمل الى الآن بس الله كريم ....
الله يرزقكم جميعا يارب ...

انا عمري 25 ومتزوجه من 5 سنوات
الحمد لله انا كل فحوصاتي تمام وزوجي عنده ضعف في الحيوانات المنويه 00 وطول ها الخمس السنوات وما بقينا مستشفى ورحت انا للممرخات مع ان ما فيني شي وهمه بعد قالوا كذا وسوينا تلقيح اكثر من 5 مرات وما كتب الله الحمل
والحين الحمد لله هذا اول حمل لي بعد ما سويت طفل انابيب والله يتتم عليه حملي ولا يحرم كل متاخره ياارب

اولا الحمدالله ع كل حال
انا متزوجه من سنتين واربع اشهر تحاليل زوجي سليمه وتحاليلي سليمه بس في الشهر الاربع الاخيرة ارتفع هرمون الحليب بسبب التفكير..وتعالجت منه والحين اعتدل بس ما صار حمل وبعدين اكتشفت في هذا الشهر عندي هرمون البروجسترون((التبويض)) منخفض مع انه البويضه توصل عندي 22 و23 و20 بس ما يصير الحمل لك الحمد والمنه
استخدمت دوفاستون وكلوميد وبردقوش ودوستنكس

انا عمري 27
متزوجه لي سنه واربع شهور كان عندي تكيس والان ماعندي والحمدلله على كل حال 000
انتظر الحمل 00يارب اقر اعيننا بالحمل عاجلا غير اجل