كم مهرك

كم كان مهرك : 20000درهم مقدم ومؤخر30000
وهل انتى اللى حددتى الرقم :لا
وهل كنتى راضيه :نعم وكنت اتمنى اقل
وهل بنظرك ان كل مايكون المستوى المادى للزوج ممتاز يكون المهر اعلى؟؟؟نعم ومباح
وهل تقبلين بمهر وقدره عشره الالاف ريال او مايعادله بالعملات الاخرى ؟نعم
وماذا تشترطين بجانب المهر من شروط؟ان يكون لي بيت بروحي لابيت اهلي ولا بيت اهله اسكن

شكرا عزيزتى سويرا على مرورك والله يوفقك

ان شاء الله اذا انخطبت اقولكم

شكرا حنين انثى على ردك ولكن هذا لايمنع ان يكون هناك رقم فى بالك...الله يرزقك الزوج الصالح

شوفي يا قلبي ..
عموما اهلي ضد المهور العالية ..
يعني الوالد الله يحفظه ياخذ من المعرس مهر بسيط ..
والبابا هو اللي يجهزنا من .. إلى ..

كم كان مهرك وهل انتى اللى حددتى الرقم او اهلك وهل كنتى راضيه به........اوتتمنى لو كان اقل اواكثر ؟؟.................
كان مهري 60000 طبعاً أبوي حدد المهر ، نعم كنت راضية فيه
وهل بنظرك ان كل مايكون المستوى المادى للزوج ممتاز يكون المهر اعلى؟؟؟
المهر مو كل شي في الحياة الزوجيه البعض مهرهم عالي وليسو سعداء في حياتهم والبعض مهرها قليل جداً لايذكر وربي طرح في زواجها البركه
وهل تقبلين بمهر وقدره عشره الالاف ريال او مايعادله بالعملات الاخرى ؟
إذا كان الزوج على دين وخلق ورايح يسعدني المهر مومهم لو مايدفع إلا ريال واحد أهم شيء السعاده .
وماذا تشترطين بجانب المهر من شروط؟وهل تشترطين مؤخر؟
شرطي الوحيد بيت شرعي لحالي ، والمؤخر عمرة ما مسك الرجال واللي تفكر في المؤخر ماعندها عقل ياحبيبتي الرجال إذا ارادأن يدفع المؤخر وهوماعنده ريال يتسلف وإلا يشتري سيارة بالتقصيط المريح ويبيعها كاش ويدفع المؤخر
هذا رأيي وسلامتكم يالغاليات .

السلام عليكم يافراشات..
انا ماشترطت مهر.... واخوي هو ولي امري بس كانت شروطنا نفس الشرط اللي اشترطها الوالد الله يرحمه في اختي الكبيره...
كان المهر ريال واحد فقط..لكن ازواجنا من ذوقهم يعطونا عشان نجهز.... وانا عن نفسي ارسلولي سبعين الف بس بدون ماحنا نقول لهم...وان كنت راضيه ومقتنعه جدا بكل شي..
والمؤخر مافي نهائي..
وبالنسبه للشروط الثانيه كان بيت شرعي مستقل وتوظيفها في حال تعيينها......وسلامتكم

مرحبا اختي و مشكورة لطرح هذا الموضوع.
..انا انخطبت من سنة وفعلا مثل ما قلتي مهري هو 10000 ريال لاني اللي خطبني رجل ما زال في بداية مشواره ولكني احبه ولا يهمني كم رح يعطيني اهم شي اني اسعد انسانة لخطبتي وهو اللي قال لي انه هذه قدرته واذا قدر رح يعطيني اكثر بس زي ما قلت ما يهمني وابوي من الأول قال لي انه هو اللي رح يجهزني و الآن قال لي اي شي رح ينقص علي رح يعطيني اياه اما المؤخر هذا لازم عندنا بالعيلة ويكون من 25000 ريال وفوق

شكر ا أختى على طر حك لهذا المو ضو ع.انا كا ن مهر ى 30000ثلا ثين الف ريا ل ولا يوجد مؤ خر ولم يكن فيه اى شروط وانا كنت مو افقه على هذا ولو كا ن اقل انا را ح اوافق المهم ان يكو ن العر يس ذا دين وخلق .ولكن في الفترة هذ ه نسمع عن غلأ المهور بشكل غير عادى واتمنى يكو ن المو ضو ع هذا يكو ن بعين الا عتبا ر من جهة االا سر ة المهم اخلا ق ودين الخا طب وبا قي الا مو ر كلها شكليا ت اما م النا س فمثلا بدل ما يكو ن الز واج فى فندق خمس نجو م وتكلفته تكو ن احيا نا تصل الى 100000 .تكو نفى قصر افر اح اسعا ره معقوله لأن هذه التكا ليف كلها تكبل الزوج با لديو ن من بداية حيا تهم الزوجيه.واخيرا اقو ل ابر كهن اقلهن مهو را كما ورد فى حد يث الر سول عليه الصلا ة و السلا م.