كنت احلم بشعر طويل وكثيف واركض ورى ذا الحلم وبعد ماتحقق لي قررت اعطوني رايكم

السلام عليكم ورحمة الله
انا ياحلوات بقول لكم سالفة ع امل اني الاقي مين يشجعني وماينتقدني
انا مهووسة بشي اسمه شعر طويل ياناس اموت فيه يذبحني ويقتلني والله كنت لما اشوف وحده شعرها طويل اني احس بنقص في انوثتي اموت على الشعر الطويل واهم ميزة عندي انه البنت تكون بيضا وشعرها طويل ياحبي لهالشئين
وعلشان احقق هالحلم ركضت ورى العيادات واخذ من هنا علاج ومن هناك ومافاد
وركضت ورى الزيوت ومافاد
فيتامينات مافي شي يفيد
صرفت الوف كثيرة لجل يتحقق حلمي ويصير شعري طويل
واخيرا والحمد لله ربي حقق حلم حياتي
طحت على خلطة زيوت شريتها من وحدة
ماشاء الله تبارك الله اللهم صلي ع النبي
شعري كان لكتفي ومنتف وقليل وقسم بالله يابنات اني كنت احيانا اخاف احد يمسك شعري ويفجعني بانه شاف لاسمح الله ثعلبة او شي فيه لانه خفيف بشكل ماتتصورون
وشريت الخلطة من حرمة الله يجزاها خير واستمريت عليها 5 شهور
في 5 شهور ماشاء الله تبارك الله صار شعري وربي وش كثره كثيف وغزير بشكل ماتتخيلونه ويطول بشكل خيالي ماشاء الله تبارك الله من كان للكتف صار لنهاية ظهري ماشاء الله تبارك الله اللهم صلي ع النبي
وكل من شافني استغرب ويحسب اني مركبة توصيلة
والله مااخفي عليكم صرت امشي احس اني اجمل البنات وكاني ملكة ماشاء الله تبارك الله
لكن المشكلة انه نفسيا ماني مرتاحة
اخاف استشورة يعني الاستشوار مااحطة ع شعري الا في المناسبات الكبيرة يعني باختصار مستعدة اروح اي مكان بدون مااستشور شعري خايفة استشورة واعدمه
الصبغات صرت اخاف احطها وتنتفه وتساقطة وارجع للمعاناة القديمة
التسريحات والكوفيرات اخاف اروح لهم ويكون المقص او المشط فيه شي ويسبب لي حاجة في شعري لاسمح الله
صرت اخاف من كل شي
باختصار انه صرت اسيرة هالشعر حرمت نفسي من كل شي خوف عليه
نفسي اعمل فيه قصات واصبغه واستشور دايما لكن خايفة يتساقط
وغير كذا انه اتعب استشورة يعني ماني فاضية له حتى لما استحم اكرهه الاستحمام واشيل همه من تمشيطة وغيره
باختصار كرهت شي اسمه شعر طويل ياناس حدني عن كل شي الحريم كل يوم قصه وصبغه وانا مااقدر اعمل فيه شي
حتى لما قلت اتوكل ع الله واصبغه كلفتني صبغته قرب 2000 ريال
اخاف عليه من العين
لما اروح عزيمة اشوف الحريم شعورهم دلع وقصيرة ومستشورة وماتاخذ منهم ربع ساعه وانا اذا بستشور معاناة وتعب اضطر اروح مجعدة شعري وهالشي مايناسبني
حتى زوجي ع كثر حبه للشعر الطويل الا انه صار يقول خلاص قصيه مااشوفه ولا اعرفه دايما رابطته
بدون مبالغة اذا استشورته يديني توجعني وكتفي يلتهب
من فترة وقفت الزيوت لي قرب شهرين وشوي والحمد لله ماتساقط وصرت اقص اطرافة وكل مرة اقصر منه اقصر منه
لكن في الاخير
قررت اخيرا اني اقصه وارتاح
قرار لا رجعه فيه
لكن خايفة اندم وفي نفس الوقت كارهته خلاص
نفسي ادلع شعري واحط فيه بكلات واصبغه وامشطة واستشورة مو ذا الشعر الطويل اللي مقيدني
واخترت هذه القصة وابي رايكم وابيكم تحمسوني ولاتخلوني اتراجع عن قراري
هذه عاجبتني
يالبيه ع الدلع
وش اختار رجاء لاتجي وحده تعصب
انا ابيكم تشجعوني وتختارون لي مناسب
لاني طفشت من شكلي كاني عجوز ماعندي وقت استشور شعري ولا اقدر اعمله كيراتين
نفسي اتروش وع طول استشورة زي الحريم
واللي عندها زود قصات حلوة تعطيني
نصيحة لاترمون فلوسكم لجل شعرك يكون طويل والله بتملين منه ملل وتتحسفين ع هالشي ياما شفنا بنات شعورهم للركب ودايما رابطينها او لافينها وفجاة تلقينها قصته طيب ليه لانه شي ممل
الله يسعدكم يامشرفات ترى مااعرف اظلل الصور