كوافيرة تجي البيت في الطائف

مرحبا صبايا
مساء الورد جميعاً
وكل عام وانتم بخير بمناسبة قرب حلول شهر رمضان المبارك
جعلنا الله وإياكم من الصائمين القائمين في هذا الشهر الفضيل
المهم يا حلوات ما رح أطول عليكم بكثر الحكي <<<لا أبد ما طولتي خ
اللي تعرف كوافيره شاطرة تجي البيت في الطائف تخبرني
بس بشرط تكون عن تجربة يعني تكون مجربتها قبل وشغلها حلو وناعم
انا ما أحب الميك أب الكثير والرسمات المفتوحة وما ادري ايش
ابغى شي خفيف يبرز ملامح الوجه أكثر
انا حاليا حامل وعندي ولد وما أقدر على حوسة المشاغل من الصباح
واختي كمان عندها ولد صغير وما تقدر تروح
فحابين تجينا كوافيرة للبيت تعمل لنا ميك أب وشعر
طبعا انا وماما وثنتين من أخواتي
فقلت ما لي إلا اخواتي الحلوين هنا في المنتدى رح يفيدوني بهذا الموضوع
اللي تعرف وحدة ياريت تقولي عنها وترسلي رقمها اذا ما عليكم امر
وتقولي اش جنسيتها وتكون مجربتها فعلا وكيف أسعارها
بس اهم شي الشغل يكون متقن وناعم
ويارب يسر امور كل وحدة ترد علي في هذا الموضوع او تفيدني
ويفرج عليكم جميعا ويفتحها في وجهكم إلى يوم الدين