كوفيرا روعه بمعني الكلمه وتجيك لين البيت شغلها وتعاملها راقي

السلام عليكم ورحمة الله وبركاته .. احيانا نكون متوترين كيف بنطلع او شايلين هم ايت كوفيرا احسن .. وبصراحه انا مره شلت هم .. لاني اولا مو كل شي يعجبني ويدخل مزاجي .. وتانيا وزي كل بنت ابي اطلع طلعه حلوه وخصوصا يوم ملكتي .. وسرت ادور وراء كوفيرا اكون انا مقتنعه بشغلها ومرتاحه انها ما بتقصر في طلعتي .. شفت منه سنتر مكايجها مو مره عجبني وكمان مره غالي ونصحوني بريما بس برضو شفت مكياجهم مو كتير دخل مزاجي وكدا مشغل اشوفو ما اقتنع فيه من قلب .. المهم وانا ادور ورا كوفيرا شفت موضوع لاخت دلوعه عن الكوفيرا صفاء السليماني وحسيت نفسي اني ارتحت رغم اني ماشفت شغلها المهم قلت اكلمها واتوكل .. وكلمتها بصراحه مره عسل في تعاملها وكلامها تجبر الشخص يرتاح لها وسالتني ايش حابه وكدا المهم بعد ماتفقت معاها خالاتي خوفوني وسارو يسألوني كيف وانتي ماشفتي شغلها وهي جاتني لين البيت 1250وطبعا خالاتي خوفوني شويه بس انا كنت بصراحه مرتاحه وجازفت قلت نجرب ماراح نخسر شي وتوكلت .. من بدري والله اذان صلاة الظهر وهي عندي وكمان قبلها بليله كانت في الطايف وهي ساكنه في جده ورجعت من الطايف الساعه 2 الليل ومن الصبح كلمتني وتطمني انها بتكون عندي في الموعد المحدد .. واول ماجات بدات شغلها وبصراحه حبوبه وتعاملها حلو وبعدين بدات في المكياج وانا مرره كنت متوتره وجلست اشوف كل شويه لكن في نفس الوقت كنت واثقه فيها .. وبعدين خليتها تشتغل براحتها وبعد ماخلصت شوفت وجههي بصراحه مره غيرتني وطلعت شكل تاني روعه بمعني الكلمه حتي انا ماكنت اتوقع تطلع لي زي دي الطلعه الحمدلله .. والكل ماشاء الله يشهد انو مرره حلو وطلعتني غير واخذو رقمها .. والحمد لله انو ربي سخرها لي والله يجزاها الف خير .. والله اللي محتاره او متردده لا تتردد ابدا وتاخذ رقمها وتحجزها وانا واثقه ان شاء الله انها بتعجبكم زي ماعجتني وعجبت كل اللي شافوني والكل يسالني مين سوالك .. وهيا كمان عندها برنامج للعروسه كريمات وخلطات وكدا واللي حابه رقمها تراسلني عالخاص .. والله علي ما اقول شهيد ..