كيف أذاكر لبنتي أول أبتدائي

هلا حبيبتي الموضوع سهل قوليلها اهم شي حاولي لا تقولي على اي شي ما اعرف حاولي حتى لو غلطي عادي
وبعدين بالنسبه للاملاء خليها تكتب الكلمه خمسه مرات او اكثر وهي تكتبها تقراها وتتهجى حرف حرف وهيا تكتب وبعدين نقليها املاء
لما تكون جالسه قوليلها يلا ياماما اكتبي الحروف الي تعرفيها خليها تكتبها لوحدها بدون مراقبه منك عشان تعززي ثقتها بنفسها
الله يكون بعونك يبغالها طولة بال

my hirt
مشكوره حبيبتي ع المشوره
كلامك صح وان شالله ببدى اطبق
الله يجزاك خير حبيبتي
الله يساعد

الله يعين بصراح حرام اولى ابتدائي يعطوهم املاء والله كثير

شوفي ياقلبي انا زيك بنتي أول ابتدائي والمفروض انك من البدايه كل ماخذت في المدرسه حرف تراجعينه معاها عشان يرسخ انا بنتي تعرف الحرف لكن تلخبط في الحركات
الله يعين يبغالك شوية صبر اهم شي لاتعقدينها وشجعيها دائما حاولي انك ترسخي الحرووف هذي في ذهنها قبل ماتنتقل للحروف الي بعدها
طبعا معلمة الفصل لها دور كبير المفروض انها كانت تعطيهم الحرف وبعدين اليوم الثاني املاء عشان يحفظو
وبما ان ملكة الحفظ عندها كويسه يعني تابعيها شوي وحتلاقيها انشالله حفظت الحرووف المهم لاتعقدينها وتكرهينها في الدراسه ممكن تقعد معاها عقده طوال عمرها
ممكن اذا عرفت تفرق بين الاحرف تشجعيها وتجبي لها هديه بسيطه وتقولي لانك ممتازه وعرفت الحروف جبت لك هديه اكثري من التشجيع عشان يكون عندها ثقه في نفسها وتبدا تبدع
تقبلي مشاركتي واسفه للاطاله

اختي عليكي بكتابة الحرف امامها وهي تكرره وكل يوم كرري الحرف الذي قبله مع الحرف الجديد وتفضلي هذا الرابط لتسهيل عملية حفط الحرف والله يسهلك امرك يارب
http://www.*******.com/watch?v=v5bZylf4QsE

الله يعين بصراح حرام اولى ابتدائي يعطوهم املاء والله كثير
والله مو بس حرام المشكله الكلامات مو مفهومه يعني
حروف مخربطه مع بعض
شوفي ياقلبي انا زيك بنتي أول ابتدائي والمفروض انك من البدايه كل ماخذت في المدرسه حرف تراجعينه معاها عشان يرسخ انا بنتي تعرف الحرف لكن تلخبط في الحركات
الله يعين يبغالك شوية صبر اهم شي لاتعقدينها وشجعيها دائما حاولي انك ترسخي الحرووف هذي في ذهنها قبل ماتنتقل للحروف الي بعدها
طبعا معلمة الفصل لها دور كبير المفروض انها كانت تعطيهم الحرف وبعدين اليوم الثاني املاء عشان يحفظو
وبما ان ملكة الحفظ عندها كويسه يعني تابعيها شوي وحتلاقيها انشالله حفظت الحرووف المهم لاتعقدينها وتكرهينها في الدراسه ممكن تقعد معاها عقده طوال عمرها
ممكن اذا عرفت تفرق بين الاحرف تشجعيها وتجبي لها هديه بسيطه وتقولي لانك ممتازه وعرفت الحروف جبت لك هديه اكثري من التشجيع عشان يكون عندها ثقه في نفسها وتبدا تبدع
تقبلي مشاركتي واسفه للاطاله
مشاركتك جدا رائعه اختي
وفعلا هذا الي انا ناويه اسويه معها
شكلي اعتمدت ع المدرسه بزياده وهذي غلطتي
وبدات معها من جديد قبل ماتبدى بحروف جديده ونقعد
نحوس والله اني خايفه تكره الدراسه
وهي خلقه تقولي احنا نطول بالمدرسه ونتعب
الله يفرجها
اختي عليكي بكتابة الحرف امامها وهي تكرره وكل يوم كرري الحرف الذي قبله مع الحرف الجديد وتفضلي هذا الرابط لتسهيل عملية حفط الحرف والله يسهلك امرك يارب
الله يجزاك خير اختي
ماقصرتي

شوفي ياقلبي
لازم تعززين ثقتها بنفسها ولا ماراح يكون عندها استعداد للتركيز والفهم وكلمة فاشله هذي شيليها من راسها وشجعيها بالكلام الحلو حتى لو غلطت ياشاطره يابطله ممتازه وبعدين قولي هذا شوي غلط بس لو سوينا فيه كذا يطلع صح شاطره بنتي خلينا نرجع نعيده
وبكذا راح تتجاوب معاك
وبقولك على طريقتي وان شاءالله راح تنفع مع بنتك
اول شي تتعلم الحرف الي درسته بالحركات الين تتقنه وهاتي لها اسماء من العائله وان هذا الحرف لهم وخليها تجيب امثله من حياتها مو شرط الي بالكتاب لأنها تحسه الزامي والطفل مايحب الشي المفروض عليه
لما تخلص منه قريها الكلمات الي بالكتاب وقولي لها يالله نكتب كلمه مثلاً كلمت
يأخذُ
نوزع حروف يأخذُ بهالطريقه
ي أخ ذُ
اقولها هنا الحروف زعلانه مع بعض وكذا ماراح تعرف تتكلم وش رايك نصالحها على بعض وتصير اصدقاء بكذا راح تتجاوب معاك لأنها بتحس انك تلاعبيها
نبدء ننزل حرف الياء بس الياء قالوله ممنوع من انه ينزل راسه وافق علشان يصير عنده اصدقاء ونزل بهالشكل ي اذا تعرف حرف الباء قولي لها مثل حرف الباء بس يصير له نقطتين
الحين جاء دور الألف قالوله انزل وسلم على صاحبك الياء وخلي يدك بيده وفرح الالف ونزل بهالشكل يأ
حرف الخاء قالوله تنزل مع اصحابك بس بطنك كبيره ماتكفي المكان <<< من كبر كرشه خ
قال خلاص انزل واصير على السطر ونزل بهالشكل يأخ
لاتنسين تبينين لها ان حرف الالف مايحب الحرف الي بعده يمسك يده
الحين جاء دورك ياحرف الذاء تفضل انزل مع اصدقائك بس لاتنسى تمسك يد صديقك الخاء
ونزل الذاء مبسوط ومسك يد صاحبه وصارت الكلمه يأخذُ
وبهالطريقه تتبعين الكلمات الباقيه وان شاءالله راح تتحسن بنتك كثير وراح تدعين لي بس اهم شي روحي المدرسه واطلبي منهم خطه اسبوعيه تبين وشهي الحروف الي عليهم في الأملاء كل يوم لأنهم يحددون كل يوم كلمه او ثنتين
وأي خدمه انا حاضره

نسيت اقولك اذا سويتي لها فطور الصباح حاولي تسوين لها السندوتشات على اشكال الحروف راح تحب الفطور وبعد بترسخ الحروف في راسها وبكذا ضربتي عصفورين بحجر

مشكوره يا ام رغد 2008
الله يسعدك طريقتك جدا رائعه وانا استفدت منها كثير