كيف ارتقي بذاتي بنات بليز شاركو

ب نات انا حابه..تشاركوني في موضوعي هذا..علشان نتبادل الخبرات..ونستفيد من بعض..ونساعد بعض..علشان نغير نفسنا الي احسن..ونرتقي يذاتنا..موضوعي هو..كيف تكوني انثى راقيه..وترفعي نفسك عن سفاسف الامور..وتحاولي انو مايهزك شي..او تخلي احد يستفزك ويخرب عليكي حياتك الزوجيه..خصوصا اذا كانت مثاليه..وخصوصا اذا كانت سببها المحيط الخارجي..اللي هما اهل الزوج..كيف تقنعي نفسك انو مايحركو فيك شي..مهما سوو..كيف تطنشي..كيف ماتدققي..لانو بالصراحة انا مشكلتي التدقيق..ابغى اكون انسانه مترفعه..انا بصراحة الحمدلله..ماعمري تكلمت او رديت ابداا..بس مشكلتي انحرق من جوا..ابغى اكون بارده..مادقق في شي..وخصوصا انو انا ماشاء الله تبارك الله مبسوطه مع زوجي..الحمدلله..وللمعلوميه انا بعيده عنهم..بس اقصد لما نتاقبل..او لما اسمع عنهم شي..لما يكلمهم زوجي..وانا ماصرت كذا الا بعد ماصارت مواقف..سخيفه منهم..وفسرو بعض تصرفاتي بسوء نيه..بس ماعمر صارت مواجهات قويه..من تحت لي تحت..اللي قاهرني ومتعبني..انو انا صرت اعتبرهم اعداء..وكل شي يقهرني..منهم..انا ماراح اقول ساعدوني كيف اخليهم يحبوني لأن المحبه..من الله..وانا اكتشفت انو اهل الزوج اذا يبغو يحبوكي حيبوكي..حتى لو فيك بلاوي الدنيا..واذا يبغو يكرهوكي حيكرهوكي..لو انتي ملاك..الشغله مزاجيه يعني..وخصوصا اذا كان زوجك يحبك ويدلعكي..ينقهرو منك..علشان كذا لما يصير شي منهم زوجي يقول ترفعي عنهم..وانا ابغى اصير كذا ..مابغى يهمني شي او يستفزني .ابغى اكبر عقبي بالعربي خصوصا انو انا حاكون في الاجازه عندهم...كيف
بنات هذا الموضوع للكل وانا متأكده انو في بنات كثير حيستفيدو منه..خلينا نعلم بعض..وننصح بعض علشان نكوم زوجات مترفعين وراقيين..