كيف استقبله

من رايي انك تستقبلينه بابتسامة وبعد ما يرتاح تعاتبينه بكل هدوء وتطلبين منه انه يعوض عليك بسفره ثانيه

والله اخيتى لو مكانك لاستقبلته كأنه عريس وما ابين له مطلقا انى غضبانة
هو بالتأكيد ينتظر غضبك وحزنك من سفرته
لكن سيفاجأ برد فعلك الهادىء واستقبالك الحار له وسيخجل من نفسه جدا وقد يفاتحك هو معتذرا
فى كل الاحوال ماذا ستفيدين ان عاتبته او احلتى اللحظات الاولى للقائكما للنكد والخصام
افرحى بقدومه واشعريه بهذا واستمتعى بمقابلته وقاومى لكيلا يظهر عليك اثر الغضب وصدقينى انتى من سيكسب فى النهاية
والله اسال ان يكرمك بالصبر والحكمة فى امورك معه
كل عام وانتى بخير
مع محبتى

طالما انك تقولين انه طيب وابن حلال يعني راح يحس بغلطته ويعتذر لك يمكن
اهم شي انتي استقبليه احلى استقبال عشان تكسبينه
بالتوفيق غاليتي

والله يا عزيزتي ........ ما أنصحك بكبت مشاعرك ........هذا زوجك مو غريب ..........:: يعني خليكي على طبيعتك ...
والرجال إذا ما حس بزوجته وتقبل مشاعرها أجل كيف اسمه زوج ..؟
نصيحتي تلبسي وتتشيكي وتتعطري ...وتلبسي عيالك أجمل ما عندهم .......وتنظفي البيت أحسن من قبل لا يتركه ...وتضيفي بعض الحركات الحلوه ..
ولما يدخل تستقبليه بروح حلوه ومتسامحه ...واجلسي معاه وخليه يسولفلك عن سفرته بدون ما تقاطعيه ...واظهري سعادتك لسعادته .......... وفي اليوم الثاني سويله ابريق الشاي بالنعناع ....واجلسي عاد جا دورك الحين ...
.وعبريله عن احتياجك له في العيد ...وشوقك له ....واشتياق الأولاد ...حتى لو تبالغي عادي ...:
وخليه يحس فيكم وفي الحركه الي سواها فيكم ...بس بدون تنكيد الله يخليكي ...كوني هاديه ...بس صريحه .:

تسلمون حبايبي الله يجزاكم خير ويعطيكم العافيه على الردود وابغى اقولكم اني كنت افكر في الكلام الي تقولونه قبل ما تردون بس انا اخاف يشوف الوضع عادي بعدين ياخذها عاده

عيدك مبارك يالغالية
والله الله يعينك موقف لاتحسدين عليه
بس رأيي تقابلينه بحب ودلع بس تبينين له انك متغيره
وبعدين بعد مايرتاح عاتبيه وبينيله حالك انتي وعيالك فالعيد لحالكم
وقوليله لا تعيدها والله مقدر اتحمل بعدك وباسلوبك راح تخلينه يحرم يعيدها
والله يهديه لك ويسخره لك
ربي لاتذرني فردا وانت خير الوارثين

الف شكر ميشو والله يرزقك الذريه الصالحه

الله يعينك ويهديه ويلهمك اللي فيه الصالح لك

حبيبتي سويله عيد اذا جا وكأنه اول يوم في العيد البسي واكشخي ولبسي العيال واذا حالتك المادية تسمح اعزميه في مطعم وقوليلة هذي هدية العيدمني لك وروحوا الملاهي عشان اولادك يحسون بالعيد وصدقيني راح يحس انه غلطان لانه راح وخلا العز وحتى يطلع الفروق العشرة بين السفرة وبين العيد معاك ومع الاولاد الله يوفقك ويهديه يارب ويهدي زوجي
.