كيف اقنع زوجي

حبيبتي معليش بس اهو وش طلب منك ..؟؟!!
لانه طلب منك تبسين قفآزآت .. اللي اهي الجونتيآت .. وش المشكله الوحده الزم ما عليهآ تطيع كلام زوجهآ اهو ما طلب منك شي مستحيل ولا شي له آهآنه لك طلب شي يعتبر من حقوقه كزوج يغآر ع زوجته حرآم يصير بينك وبينه مشآكل بسبب شي تآفه سوي اللي طلبه منك والزم ما عليك رضآه شكل زوجك مطوع وغيور واهو طلب حق من حقوقه حتى الدعوه ما تستاهل انك تظيقين صدرك ..
الله يهديك ويسسخر لك زوجك ..

لا والله مو مطوع << اللي قاهرني انو حق بنات وفي اي مكان نروحه بس يبصبص للبنات وانا يبي يضيق علي طفشت منه
ماعاد ادري وش اسوي

الله يعينك حبيبتي
اذا ما اقتنع بكلامك
البسي حرام تخربي بيتك عشان قفازات
لان زوجي مره قالي البسي بس ما طعته وجلست افهمه بهدوء
لاني ما احب البسها وانا من النوع اللي احب اغطي ايديني زين
وما احب البس صندل ابدا الا في العزايم
دائما جوتي سبورت

اختي
طاعته فيها خيره لك في الدنيا والاخره
على الاقل تنستري عن اعين الناس
هو ماطلب منك شي ينقصك
هو طلب منك شي يرفع قدرك عند ربك
انا والله ثم والله كنت اتمنى ان زوجي يقولي البسي شرابات وقفازات
بس للاسف .. اذا لبست شرابات جلس يضحك علي
لما اشوف البنت محتشمه من فوق لتحت تكبر بعيني
واقول ماشاء الله .. احسدها على حشمتها
الله يهديني ويهدي زوجي ويفتح قلوبنا
انتي هدي الوضع
واسمعي كلامه
والله يهديه ويصلحه ويسخركم لبعض

قوليله انا موافقه بس بشرط
تقصر ثوبك وتطلق لحيتك

طيب انتي حاولي انه تكون اكمام العباية طويلة شوي بحيث تغطي جزء من يدك واذا ماوافق البسي الجونتيات وراح تتعودين عليها واذا ماقدرتي تتعودي البسيها اذا كنتي خارجة معاه بس وبعدين لاتلبسيها
انا مشكلتي في العباية مع زوجي طرف العباية اللي يكون مفتوح كل ماشافها مفتوحة من اسفل قام يقولي مالك خرجة مع اني اكون لابسة تحت العباية تنورة اسود او بنطلون طويل اسود يعني مو ماثر اذا انها مفتوحة من تحت وبعدين كل العبايات في السوق زي كذه
كنت كل مااخرج معاه نضارب على هذا الشي في الاخير مسكت العباية وخيطتها من تحت وريحت نفسي
الوحدة مو فاضية تتضارب على اشياء تافهة طفشنا مضاربات نضارب على ايش ولا ايش

قولي انا موافقه بس بش رط مثل ماتعيني على الخير انا بعينك اطلق الحيه وقصر الثوب واذا رفض البسي القفازات مع الاحتساب وكثير اللي مثل زوجك وزوجاتهم عادي وتلبس وماشيه حياتهم ماشاءالله والله يسخرلك

الله يعنيج مثل ما قالو البنات قصي للشيطان خيطه و طاوعي زوجج البسيها ما تأثر فيج رح يشوفها منج كبيرة بعدين
عنطوزة ضحكتيني والله ههه اخر شي نستسلم احنا زين ما سويتي وقت خيطتي عبايتج
ودي اسأل بس كيف يعني يقصر ثوبه الريال ؟؟؟؟

الله يكون بعونك وقولي له زي ماقاولوا الخوات اللي قبلي يطلق لحيته ويقصر ثوبه
وللاخت اللي تسال معنى يقصر ثوبه انه ما يخليه يسحب لازم يكون فوق كعب الرجل وهذا من السنه
وواجب تطبيقه بس حنا في زمن اللهم ياكافي