كيف تستعدين لعمل مفاجئة لزوجك

السلام عليكم يا أعز فراشات .......... اليوم عندي لكم شوية نصائح من خلال خبرتي الخاصة
تساعدك على الأستعداد لعمل مفاجئة لزوجك الحبيب بدون ما يعكر مزاجك ومزاج زوجك في هذه الليله المهمة .أي شي .
وأكيد أي وحده تستعد لليله رومنسية تبي زوجها يكون في قمة السعاده والتجاوب وكمان يشكرها على اهتمامها ويمدحها على كل صغيره وكبيره .
الموضوع يا فراشات سهل لو فكرنا شوي وعرفنا كيف تؤكل الكتف .
خلينا نقولها على شكل نقاط حتى يسهل علينا القراءه .
إذا حسيتي ان الملل تسلل لحياتك الزوجيه ...أو زوجك متغير عليكِ أول شي بتفكرين فيه كيف أبسطه واكسر الروتين .
1- نصيحتي الأولى ... لا تكثرين من الليالي الرومنسيه ... حتى الزوج يشتاق لها ولا يمل منها . وحاولي تباعدي المسافه الزمنيه ما بين الليله والأخرى حتى يكون لها طعم ولون ورائحه.
2- قبل لا تحددين موعد لازم تفكرين بتفاصيل هالليله في مخيلتك ..وبعدين تستعدين لها بلبس جديد وتخفيه عن ناظري زوجك .
3- هذي النقطه الأهم وهي تحديد الموعد المناسب والتخطيط المسبق قبل الموعد بأسبوعين على الأقل ...
4- اعلني الموعد لزوجك قبل الليله بأقلها 4 أيام عشان ما يرتبط مع أحد ويكون مستعد نفسياً .
5- خلال هذي الأربع أيام اهتمي بعنصر التشويق . مثلاً يوم الخميس (الموعد المحدد مثلاً)
أبي ألبس فستان موف متأكده أنه بيعجبك ... وأبي أسوي بشعري حركه جديده أتمنى تعلمني برأيك فيها .
6- وعلميه قبلها بيوم بأنك ناويه تعشيه عشاء رهيب ولازم يفضي معدته ...
7- خلال الأربع أيام لازم تكوني على اتصال متواصل معاه ... في العمل وفي البيت ...واهتمي بكلمات الدلال والمجامله والمدح للبسه وطريقته واسلوبه ..
8- أطلبي منه يجيب معاه أي شي لهذي الليله مثلاً كيك أو شموع وإذا انتي محضره له هديه قوليله عشان يمكن هو بعد يجيب لك هديه .
9- اطلبي منه يغيب عن البيت ولا يجي الا باتصال منك وفهميه انك تحبين مفاجئته بشكلك الجديد ...عشان يستعد نفسيا ويتذكر يمدحك ويمدح كل شي حلو استعديتيله فيه .
10- بعد كل التشويق هذا ...صدقيني زوجك بيجي وهو في قمة الرومنسيه وبكل جوارحه ... ولا يمنع انك تخفي مفاجئه عنه مثلاً شورت جديد له تضعينه في صندوق مفتوح وبداخله ورود وحبة شكولاته . وكرت مكتوب عليه
كلمه رقيقه .
وتمنياتي للجميع قضاء ليله رومنسيه وسعيده يملؤها الحب وترفرف عليها طيور السعاده .