كيف تصيدين عريس خطوات وتكتيك حربي هجوم

للاجابة على هذا السؤال اليك مايلي..
أهم نقطة :الصقي بالعجوز اللي حاطه عينك على ولدها ونفذي مايأتي:
1 خلك مع امك ولا تمشين مع البنات وتستهبلين اصبري عنهم كم شهر الى ان تتم العملية
2..امشي وانتي حاطة راسك بين كتوفك لاترفعينه أبدا..مهما يصير علشان يقولون مؤدبة وموب متكبره ...
3
..كلمة خالتي خليها على لسانك وخاصة لأم ((الخفاش))علشان تحس بنوع من التميز لامانع انك تنادين وحده ثانيه بخالتي عشان إذا مانجحت الخطه مع العجوز الاولى تنجح مع العجوز الثانيه وحطيها كخطه احتياطيه
4 ..إذا بدت امك تتكلم دقيها بكوعك عشان تدخلك بالموضوع حتى لو مالك
5 اخوانك الصغاريه تمي وراهم لين ما يمشون حتى لو مبمن عاداتك بس تصرفي معاهم كانك امهم لأن هذا يوحي بما لايدعو مجال للشك عند العجوزبانك ريصه على ذريتك ..
6 - أي اكله حلوة تاكلها امك خليها تقول نفس الاكله اللي تسويها بنتي ( حتى لو الاكل من مطعم صيني او هندي)
7 ..دايماتعلقي في الباب علشان لا ينقص من طولك ولا سنتيمتر ( للقصار فقط )

• اذاجيتي بتمدين ايدك توجعي وخلي امك تقول : قايلتلك وانا امك ماله داعي تنظفين جدران البيت الخارجيه >> ( اقول نظفي غرفتك اول اللي تقولين ثايره فيها قنبله ذريه ).

9- اذا تكلموا الحريم عن الزواج اكتمي عمرك لين تحمر خدودك علشان يقولون البنت تستحي ومالنا حق ن**فها بس لا تكتمين وايد تروحين فيها وأصير قتلت نفس بغيرحق..
0-مهما كان موضوع الحوار حماسي لاتبدين رأيك وخليك شرات الطمه لان اللقافه تخربلك الخطه
1-.افتحي شعرك وسشوريه ولا تتبعين اي موضه لأن االعجايز مايعترفون الا باللي شعرها ناعم.. والا اللي كشتهاا طايره ماحد يلتفت لها ..
12اذا ادلت العجوز ام الخفاش باي راي سواء كان اقتصادي او سياسي او وطني : وافقي عليه "حتى لو ما كان له داعي
13في اي عرس لاترقصين امسكي عمرك واعتبري الرقص عيب وشق جيب
4خلي امك تقول
بناتي مايطلعون السوق أغراضهم أبوهم يجيبها (( مع اني اعتقد انك حافظه كل الاسواق اللي بالدنيا مب بساللي في بلادك عن ظهر قلب))
احتمال وارد الحدوث :ممكن تكون العجوز مخططه على بنت غيرك لكن بعد النقاط السابق ذكرها بتغير رايها وتخطط عليك...
الحين بتكون العجوز وقعت باالفخ..
نروح للعريس الان
.
1- خلي ابوك يقول: والله ودي تشوف البنت بدون ماتدري عشان تاخذ راحتك وانا عمك وبعد تشوفهاعالطبيعه ماتقول غشيتوني ( ايه هين يالشايب والله لو بيدك ان تحط مكانها باسكال مشعلاني)
2- اذا جا العريس خلي اخوك يوقف بجنبه عشان ما يظل التبحلق ويبان المستخبي وذلك تطبيق لنظرية ( اللمحة ذبحه).
3- في نهاية المشهد خلي ابوك يقول : معليش وانا عمك ترى البنت شوي خجولة
نروح للعريس الحين
يوم يجي للخطبه......
ياي بالكندور و (الخاتم) وغتره + عقال والعطر
الان المسكين يعتقد انها تشبه اليسا ولا مايانصري
وقبل ما يجي موعد الملكه بحوالي شهر أو أكثر
اشتغلي بعمرك (صبغه،تنظيف بشرة، الخ ) لاتقصرين
ويوم يجي العريس خلي أخوك يوقف فووق راسه وانتي لا تقصرين عطيه(( النظرة القاتله ))
هنا حسب النظره اللي بيردها لك اذا سطل أضمني الرجال واذاقعد يطالع الحضور الكريم راحت عليك
ولاتقربين العجايز المتعلمات
يعني تكون شنطتها بلون الجزمه " الله يكرمك " الأن هذول يبغالهم تخطيط بعيد المدى
منقول