كيف ينحسب المعدل التراكمي

للاسف مآأعرف اختي
بس إذآ مآعرفتي ابحثي بقوقل عن كيفية حسآب النسبة
وبالنسبة للسؤآل الثآني فإن الأولويه للمدآرس الحكومية بكم نسبة فقط لكن مادري كم بالضبط
مثلاً ولدك جايب95والحكومية90ينقبل الحكومية
بس الدنيا حظوظ^_^
أهم شيء تدعين ان ربي يووفقه
ولآتنسيني من دعوآتك..إن شآء الله اجيب نسبه عالية وأدخل التخصص اللي ابيه^_^
الله يووفق الجميع

اشكرك عزيزتي ربنا يوفقك ويوفق ابناء وبنات المسلمين

ماادري عن الحساب معليش
بس اللي اعرفه الحكوميه لهم الاولويه في القبول ((اول مره نشوف قرار زي الناس))لان اللي داخلين الاهليه صراحه ......

مرحبا
من نآآحية سؤالك الاول والله مدري !
بس الثاني لآطبعا مافي فرق بينهم !!!!!!!!!!!!
وبعدين الي قالت الاولوية للحكومي ولهم الحق وقرار صح !
ليش ؟! يعني اهليه تساعد طيب في حكومياات تساعد اكثر
ولو مره منجنين بالاهليه وعلى قولكم تساعد ادخلوها
بس لو طلع قرار الاولويه للحكومي فيه ظلم
لانوو كثير بنات داخلين اهليه مو عشانها تساعد
لالالا عشان المعامله الحلوه ومعروف الفرق بين تعامل الحكومي والاهلي
عموماا النسبه ترى ماعاديه تأأثر كثير بدخول للجامعه
القدرات اهي الي تحدد
لآتنسينا من دعواتك
والله يووفقنا ويوفق ولدك و جميع المسلمين
أتمنى اكون أفدتك >> وش سويتي بس خ

**دلوعة الكل**
اختي
اولا احكوميه جاده ولاتساعد عيني عينك مثل الاهليه
مافيه وجه مقارنه اصلا
ثانيا هم داخلين عشان بس المعامله طيب هذا كذب وهروب من الحقيقه ؟؟اللي نشوفه لا طالعين عشان النسبه صارت تنشرى بفلوس والدليل من ثاني ثانوي يبدا اعداد الطالبات بالنزول وثالث ينقص اكثر واكثر
واحنا نعرف المجتمع ونشوف يطلعون من الحكومي ليش؟؟؟
انا عندي بنتين بالثانوي والله ماافكر اطلعهم بالاهليه لانه تطلع ناس تشتري النسبه
لكن القدرات فضحت العالم ونخلتهم نخل زي الطحين
والاولويه للحكومي رضيتم ام ابتم؟؟
للمعلوميه زوجي مقتدر ولله الحمد وماابي اقولك وظيفته لكن المساله قناعات فقط
المشكله ناس تزعل من الحق؟؟؟؟ قل الحق ولو على نفسك

بنات الله يسعدكم
انا معدلي التركمي 3,78
في ثالث كليه كم يكون التقدير حقي

مرحبا حبيبتي رااح اقولك كيف لان الخطوه هذه سوتها المدرسه وانا بعد سويتها ونفس الطريقه ..
او شي نجمع النسبتين مثل مانتي كاتبه 88+94 =182 >>>> هذه اول خطوه بعدين اقسميها على 2
182 /2=91 <<<<نسبته النهاائيه لمرحله الثانويه 91
بعد كذا راح يمتحن القدرات ونتيجه القدرات طبعا دوري في النت كيفيه حسااب القدرات مع الثانوي وبطريقه هذه تكوون نسبته النهاائيه
ان شاء الله تكونين فهمتي علي واي سؤال انا حااظره

مشكورة خيتي فهمت عليك الله يسعدك ويسعد كل اللي ردوا بس فيه جدل حول الأولوية في التسجيل وتبغوا الصراحة صارت اكثر مدارسنا خايسة سواء حكومية او اهلية

يعني نحسب نسبة ثاني ثانوي مع نسبة ثالث ثانوي بعدين نقسمها على 2 هذا اللي فهمته ومشكورين