كيكة السميد بالبسكوت مع الشعريه

السلام عليكم
هذا الكيكه الى ام عزيزان الله يخليها
بس تراها تجنن طعمها عذاب جربوها مارح تندمو وادعولي
المقادير :
1 كاس سميد
1كاس زيت
نص كاس سكر
4 بيضات
1 ملعقه كبيره بيكن باودر
1 علبة نستله
1 كيس شعيريه باكستانيه
1 بسكوت شاي 200 غ
الطريقه :
اول شي نكسر البسكوت قطع صغيره ونخليه على جنب
نخلط البيض والسكر والزيت بالخلاط ... وبعدها نضيف السميد والبيكن باودر لما يتجانس الخليط مع بعض
نضيفه على البسكوت وراح يطلع معاي خليط ثقيل اشوي
افرشه في صينية فرن مدهونه ... واحط عليه الشعريه المفتته واغطيه فيها زين يعني كثري منها ... وضغطي عليها اشوي على الخليط
ودخليها الفرن على درجة 160 لمدة ربع ساعه ( او حتى تنضج ) ... وبعدها افتحي الفرن من فوق حتى تتحمر الشعريه
طلعيها من الفرن واسقيها على طول حليب نستله
وخليها لما تتشرب الحليب كله قطعيها مربعات
وتراها لذيذه جدا
وكل ما ابردت تصير احلى بس لاتحطينها بالثلاجه خليا تبدر على راحتها
وعليكم بالعافيه وان شاء الله تعجبكم ان جربتوها
تحياتي