كيكه السرالي مع النوتلا بالصور من مطبخي كيكة ام سلمان

***الهاشميه***

13-12-2022 - 01:52 pm

سميتها كيكه ام سلمان
لانه مره رحت بيت صديقتي واول مره اكل هالكيكه كانت من عندها
فسميتها على اسمها
طبعا مقاديرها..
علبه كيكه جاهزه (sarlee)سرلي..
علبه نوتلا القابله للدهن(اخدت الصغير.. لو الكبير جان بس نستخدم نصه مو كله)
2 قيمر..
ظرف دريم ويب
استكانه حليب
كاكو الدوائر للتزيين
اول شي.. نخلط في الخلاط القيمر+الدريم ويب+حليب+نوتلا كله.. ونخليه اول شي على سرعه خفيفه.. وبعدين على سرعه سريعه.. وخليه يخلط
في هالاثناء.. لى ماتصير الكريمه جاهزه..
جيبي اي فايركس تبغين اتسوين فيه هالكيكه
جيبي الكيكه وقطعيها شرايح..
وصفيهم في الفايركس.. واذا تبغين اتسوين طبقتين كيفش.. سويت اني طبقتيين..
اللحين جهزت الكريمه..
..يتبع..

التعليقات (8)

***الهاشميه***

13-12-2022 - 04:58 pm

اللحين صبي الكريمه على الكيك.. عاد مو كلها.. لانه بتصير وااجد.. انتين على كيفش ..تبغين الكريمه اي كثر..
صيره عاد الكريمه فاتحه.. المفرووض غامقه .. بس اني حطيت فيها دريم ويب.. وقمير واحد زياده.. اللي يبغيها غامقه .. لا يحط لا دريم ويب ولا قيمرزياده..
اللحين ناخد الكاكو وانقطعه انصااف..
ونزينه بالكاكو..
وبعدين خليه في الثلاجه تبرد عدل.. تطلع احلى اذا بارده..
عاد اهني شكلها يوم اخلي ليي اشوي.. صدق ماعندي اتكيت في التقصيص.. بس يمشي الحال
ويش راايكم فيها..

غرشوبية

13-12-2022 - 05:59 pm

أحس انها وايد لذيذه لأني أحب النوتيلا وانشالله بجربها تسلمين يالغاليه

ناعمة الخدين

13-12-2022 - 08:01 pm

تسلمي عيوني بجربها

***الهاشميه***

13-12-2022 - 09:02 pm

من ذووقكم حبيبااتي

غنــــــــــاديــر

13-12-2022 - 10:03 pm

جات في وقتها عندي من هالكيك وبسويها ان شاء الله
ألف شكر لك ِ