كيكه السميد والبسكويت

السلام عليكم ورحمة الله وبركاته
كيفكم يا بنات إحم إحم
طبعاً الريجيم عليه العوض من بعد العيد ،، يعني رجاء بلا تعليقات ههه
هذي كيكة أم عزيزان ،، جربتها أخيراً اليوم وطلعت حلوة بشهادة كل أكلها
صورت لكم الخطوات كلها وأتمنى تجربونها وتعجبكم
نحتاج :
1 كاس سميد
1 كاس زيت
نص كاس سكر
4 بيضات ( أنا حطيت 3 بس ) + شوية فانيليا
1 ملعقه كبيره بيكن باودر
1 علبة نستله ( أنا حطيت علبتين من الحجم النونو )
1 كيس شعيريه باكستانيه
1 بسكوت شاي 200 غ ( أنا حطيت علبة بسكويت أولكر 175 غ )
الطريقة كما كتبتها أم عزيزان الله يجزاها الجنة والصور كلها من تصويري وتطبيقي :
أول شي نكسر البسكوت قطع صغيره ونخليه على جنب
نخلط البيض والفانيليا والسكر والزيت بالخلاط ... وبعدها نضيف السميد والبيكن باودر لما يتجانس الخليط مع بعض
ونضيفه على البسكوت
وراح يطلع معاي خليط ثقيل اشوي هذا شكله
افرشه في صينية فرن مدهونه ...
واحط عليه الشعريه المفتته واغطيه فيها زين يعني كثري منها ... وضغطي عليها اشوي على الخليط
(( أنا حطيت ربع الشعيرية بس وسويت الوجه بيدي ))
وهذا شكل الشعيرية لمن لا تعرفها
ودخليها الفرن على درجة 160 لمدة ربع ساعه ( أو حتى تنضج ) ... وبعدها افتحي الفرن من فوق حتى تتحمر الشعريه (( أنا أخذت معاي 25 دقيقة ))
شكلي حمرتها زيادة خ
طلعيها من الفرن واسقيها على طول حليب نستله المركز
وهذا شكلها النهائي
الشكل قد لا يبدو مشهية ومرتباً
بس الطعم جديد وغير عن أي كيكة عملتها من قبل
وأنصحكم تجربونها
ولا تحرموني من صالح دعواتكن