لأصحاب الخبرة

السلام عليكم
انا فراشة جديدة معاكم في المنتدى أول ما اشتركت بس جاست اتصفح المنتدى عشان أكون فكرة عامة وبصراحة مرة عجبني وخاصة هذا القسم شفت في وصفات سهلة تنفع حتى للمبتدئين وبنفس الوقت مميزة جدا وخاصة أطباق الأخت ضي العين لو أنا منها أعمل كتاب طبخ ماشاء الله لاقوة إلا بالله عليها
ودحين أنا طالبتكم بمساعدة واتمنى منكم تردوا عليا مو عشاني جديدة عليكم تطنشوني
وهي إني ما أعرف أبدا أنظف البوتجاز لما ألغى أنظفه أجيب شغالة أختي تساعدني أنا أبغى أعرف كيف أمسحه وإيش أفضل منظف له من برة ومن جوة حتى القزاز الخارجي وأكثر شي اتكلم على شكله من برة يعني العيون وزي كذا أنا أنقع العيون في موية حارة وملح ليمون وخل يعني كذا يكفي
وكمان عندي مشكلة إنه أي قدر او طاوة حتى لو جديدة الفرن حقي يسوي فيها سجم أسود محروق وطبقات مايروح إلا بالدعك القويوبعدين وديت الفرن لمحل قلت يمكن يحتاج تنظيف داخلي ونظفته بس المشكلة موجودة حتى لو النار واطية
وكمان كيف أنظف الرخام حق دولاب المطبخ أبغى شي مو بس منظف شي يلمع أنا دايما أمسحه بإسفنجة مع فيري وأحيان شوية كلوركس
بالله ساعدوني أحب إني أكون ربة بيت ناجحة في كل شي