لأني أحبكم جبت لكم هال براونيز اللزيز والسهل

-التوت-

13-07-2022 - 11:27 pm

السلام عليكم يا مؤنثات ال شيف !اولا احب اعتذر لكم ان المتصفح عندي زفت ما اقدر اغير الالوان والخطوط وما اقدر وأساسا ما اعرف انزل صور....لكن كيكتي ان شاء الله ما تحتاج صور..ولو ما تستاهل اني انزلها بدون صور كان مانزلتها .. نبدأبسم الله ..البراونيز عبارة عن كيكة ثقيلة شوي وقوامها يختلف عن الكيك يجي جزء منها رطب وجزء يابس..لاتتعقدون تراها اسهل مما توقعت المقادير....2 بيض - نصف كوب شوكلاطه سايلة(استخدمت شوكلاطة سادة من غندور كسرتها وحطيتها بكوب ودخلتها بالميكرويف لما ساحت) - نصف كوب زيت - نصف كوب سكر - كوب دقيق - ربع ملعقة صغيرة بكنج بودر - فانيليا.......... نخفق البيض ونضيف له الشوكلاطة والزيت والسكر وبعد ماينخلطون نضيف الدقيق والبكنج بودر والفانيليا.. بتصير عجينة غليظة تتمطط..واسيها على صينية تيفال بس ماتصير رقيقة ..خليها بالسمك الي تبينه لأنها ماراح يتغير حجمها وماراح تنتفش.. واسي السطح وحطي المكسرات الي تبين ..انا حطيت فستق ولوز مبشور وضغطتهم لما دخلوا وسط العجينة..وبسم الله تحطينها بفرن مشغلته من زمان وما تاخذ وقت كثير ...وبالعافيه ..انا من امس قاعدة آكل فيها واما يوجعني بطني اصبر لما يطيب وارجع اكمل ههه من جد تستحق التجربة!

التعليقات (8)

-التوت-

14-07-2022 - 02:54 am

وقسم ذالمنتدى ام التحطيم متحمسة اعلمكم الطريقة ووليدي يصيح يبي الحمام واقول لا بكتبها علشان اذا خلصت من ولدي اجي اروق ع الردود..!

كرستالهـ؛؛

14-07-2022 - 03:55 am

يسلمو على الطريقه
ان شاءالله اجربها ..

كوب قهوه ~

14-07-2022 - 04:56 am

وه بس البرااونييز ادمان خصوصا مع ايسكريم
ياشيخه ماتفخني الا هو خ
يعطيك العافيه عنوني ~

-التوت-

14-07-2022 - 05:57 am

كرستاله شكرا لك.. كوب قهوة...وه بس يا تسبدي انتي انا مادريت ان البراونيز يصلح اساسا بالبيت.. عافيه عليكم

تعب كل هالحياة

14-07-2022 - 07:59 am

تسلمين يابعدي
بس لو حطيتي صور نشوف شكلها كيف؟؟
على العموم مبين من مقاديرها انها شي شي
سلمتي يالغلا

أم المفهين

14-07-2022 - 09:00 am

موفقه
اللهم صل على نبينا محمد

هيووودي

14-07-2022 - 10:01 am

||
ودي اسويهآ .. بس مافهمت كيف يمكن عشآن الخط كنه جريده ههه امزح
اول مره اسمع به !!
يسلمو توته

هيووودي

14-07-2022 - 11:02 am

البراونيز ..
عبارة عن كيكة ثقيلة شوي وقوامها يختلف عن الكيك يجي جزء منها رطب وجزء يابس..
لآاا تتعقدون تراها اسهل مما توقعت
المقآادير ....
2 بيض
نصف كوب شوكلاطه سايلة ( استخدمت شوكلاطة سادة من غندور كسرتها وحطيتها بكوب ودخلتها بالميكرويف لما ساحت )
نصف كوب زيت
نصف كوب سكر
كوب دقيق
ربع ملعقة صغيرة بكنج بودر
فانيليا
||
نخفق البيض ونضيف له الشوكلاطة والزيت والسكر
وبعد ماينخلطون نضيف الدقيق والبكنج بودر والفانيليا..
بتصير عجينة غليظة تتمطط..واسيها على صينية تيفال بس ماتصير رقيقة ..
خليها بالسمك الي تبينه لأنها ماراح يتغير حجمها وماراح تنتفش..
واسي السطح وحطي المكسرات الي تبين ..
انا حطيت فستق ولوز مبشور وضغطتهم لما دخلوا وسط العجينة..
وبسم الله تحطينها بفرن مشغلته من زمان وما تاخذ وقت كثير ...
و بالعافيه
كذآ احسن

اريد وصفة من الحلويات العراقيه←
كب كيك→