لا ادري هل انا مطلقه ام لا افيدوني

صباح الخير أختي العزيزه
قلبو المفروض هالأمور تستفتين فيها شيخ حتى ترتاحين لأنه مش بهالسهوله نفتيك في شي مثل هذا ولما يفتيك بالرجعه خذي معاه موقف حازم عند أهلك أو في بيتك علشان مايجيب سيرة الطلاق مره ثانيه
وربي يسهل أمرك ويهدي زوجك والمفروض أنه مش كل ماحصل أمر تافه يرمي يمين الطلاق وأنتي طالما أنك عارفه أسلوب زوجك حاولي تجنبينه إذا عصب لأنه مش في صالحك وصالحه الطلاق تذكري أنه بينكم عيال فكرو فيهم على الأقل
ربي يجمعكم على خير وتهدى النفوس يارب
دمتي بحفظ الله ورعايته

ماقدر افتي
غير انه جدهن جد
الزواج والطلاق
والله اعلم

السلام عليكم ..
أختي والله العظيم استفسارك آلمني جدا ..هل أصبح الطلاق بهالسهولة ؟؟كلمة تنقال ونتراجع عنها ببساطة؟؟
اذا كانت المرأة متساهلة بحقوقها وتجعل حياتها متوقفة على كلمة من رجل فمن الطبيعي أن هالرجل ماراح يحترمها ولا يعرف حقها..
حبيبتي كان خطأك من البداية أنك تساهلتي بأمر الطلقة الأولى واللي من الأرجح أنه وقع..
أما الثاني فعلى حد علمي أنه على نية المطلق فإن كان قصده الطلاق فعلا فهو يقع وان كان مجرد التهديد وهو غير ناوي للطلاق حتى لو فعلتي ماحذر منه فهو لايقع ..والله أعلم..
وأنا أشوف أن موضوعك معقد شوي ويبغاله مفتي ..فلاتتساهلي بأمر مثل هذا لأنه أمر عظيم..
والله يهدي سرك ويفرج كريك..
وأنصحك ياقلبي مادام زوجك من هالنوع أنك تحاولي قد ماتقدري انك تداريه ولاتستفزيه ساعة الغضب بالعكس حاولي تتجنبيه ولما يهدى ويروق قولي اللي بخاطرك كله وقتها راح يفهمك ويستوعبك ..
الله يصلح حال الجميع ..
تحياتي

بنات اذا حصل وتطلقت مرتين ايش يصير اروح عند اهلي او اقعد مع زوجي
وهل هناك عده للطلقه الواحده او الثنتين؟؟؟؟؟
ودائما اسمع بتجديد العقد ماهو بالضبط؟؟؟؟؟؟؟؟؟

غاليتي
الموضوع مو سهل مثل ما تظني
انتي الي بينكم وبين زوجك يا حلال او حرام لازم تفهمين هالشئ
ما ينفع يطلقك في النهار وفي اليل يرجعك وثاني يوم يطلقك ويرجعك
انتم لكم ثلاث طلقات فقط بعدها يالغلا تكوني محرمة عليه وهو محرم عليك
الموضوع مو حكاية ابقعد في بيتي ولا باخرج منه الموضوع هل الي بيني وبين زوجي انتهى او لا ؟؟
ترا الموضوع صعب ولازم زوجك ان بقي له طلقة معك انه يتربى باختصار علشان يعرف انه ممكن يدمر حياتك وحياته وحياة الاولاد الي بينكم بتهوره وبرميه للطلاق على الفاضية والمليان
انتي الآن تروحي لقاضي وهذا الافضل لان القاضي هو الي رح يسالك ويساله ويقرر على اساسه لان مسالة الطلاق صعبة ولازم يفتي فيها من لديه العلم الصحيح مو اي احد
ولازم زوجك يتعهد امام ولاة امرك وامره انه ما يكرر هالكلمة مرة ثانية ولو على موته
حبيبتي
انتي الي رح تتضرري باستهتار زوجك
رح تكوني مطلقة والله اعلم ممكن ما ينفع ترجعين له مرة ثانية ان وقعت الطلقة الثالثة فلازم تاخذين موقف حاسم وتشوفين وضع حياتك معه قبل لا توصلين لمرحلة الحرام
احنا مارح ننفعك ولا في احد ممكن يعطيك الاجابه الا القاضي الي لازم يسالك ويساله علشان يتاكد من جوابه
وفقك الله لكل خير

الله يكون بعونك وييسر أمرك

حبيبتي لازم تسالين شيخ يفتي لك
وبالنسبه للتجديد العقد اذا طلق الزوج زوجته ومضى عليها اكثر من 3 شهر وحب يرجعها فيرجعها بعقد ومهر جديد

موضوع الطلاق انتي لازم تسالين اهل العلم انا مابي اقول شي ماعرفه
بس حبيبتي اذا صحيح ان زوجك طيب لازم تفهمينه ان مو سهل علي انه يسب اهلك كل دقيقه ويعايرك فيهم
ولازم تاخذين موقف منه وتقولين ان انت ماتتشرف بأهلي انا ماتشرف فيك
التساهل يؤدي الى اشياء اكبر حببتي