لا تبخلوا بارائكم يا حبيباتي

مسائكم ورد يا فراشات الغاليات .. ابي مشورتكم وارائكم .. قبل فتره تقريبل اسبوعين قالي زوجي من زمان ما تخانقنا قلت اي والله بس قول ما شا الله لا تحسدنا .. المهم جلسنا يومين بعد هالحكي الا ونتخانق ورفع صوته علي فانا ما تحملت ورفعت صوتي بعد لان الموضوع وقتها ما كان مستاهل ابدا يعني هو الالي بدا بالزعل ولا فكر يراضيني لبدا او حتى يبين ان الوضع عادي فانا تركته قلت انا اخر الزعلات اللي فاتت وصارت كنت انا اللي اجي اصالحه فشفته تعود عالوضع وزياده على كذا هو اللي غلط علي وصار لنا الان 10 ايام متخاصمين وهو ماعنده نيه احس انه يبي هازعله من الله وجته .. لان مو عادته كذا وبعد انا امس مديت ايدي ورفض وبعدين مدها وحبيت راسه وقلت له شكرا لان جابلي اغراضي لان عندي عزيمه فقلت خليني اشكره لعل وعسى يطيح الحطب بس ما طاح وقلت اكيد بعد ما حبيت راسه لما نرجع من العزيمه راح يفتح الموضوع ونتصالح بس ما عندك احد .. فبسالكم انا احس انه مستانس ان احنا كذا متخاصمين خصوصا انو قال قبل فتره من زمان ما تخاصمنا ؟؟؟؟!!! عطوني رايكم هل اتركه بما انه معند وعاجبه الوضع لحد ما يمل خصوصا اني لمحت كذا مره اني راضيه من بعيد لبعيد بس مو راضي يفهم ؟؟