لا تستهينون بالدعاء للغير قصة صارت معاي بالمنتدى لاتفوتكم

السلام عليكم ياأحلى فراشات
مساء الخير عليكم
بقولكم قصتي باختصار:/
انا مملكه لي فتره وبسبب موت جدتي تأجل زواجي << الله يرحمها ويرحم جميع اموات المسلمين
وكل مانخطط لموعد معين الظروف ماتسمح وربي مايكتب
وبيوم دخلت المنتدى كانوا منزلين موضوع تجمع لعرآآآيس شهر 3/4/5 لعام 1432 ه
ودخلت وعلقت انا بهالرد :/
انا المفروض اكون متزوجه من العام بس صارت ظروف اولها واهمها وفاة جدتي الله يرحمها
وظروف ثانيه كل ماحطينا موعد يتكنسل هالمره انا متفائله يكون بشهر 4 او 5
بس دعواتكم ياحلوات
والله يوفق الجميع ان شاء الله
وردت علي الأخت lolo ichigo بهالرد :/
الهاشميه ان شاء الله ربي يسر امورك ويكون زواجك معانا 26\4
انا وانت ويفداه قلبي وغلاي اللا على فكره يابنات وين زواجكم
انا ان شاء الله في قاعة ليلة عمر بس لسه ماحجزت ولاشي ثاني
لا كوفيره ولا مصوره يبغالي ابدأ البحث يالله ياحلويين دلونا عالزين
وهالكلام من اربع اسابيع وسبحان الله زواجي تحدد من اسبوع تقريبا وبنفس التاريخ 26/4 الحمدلله
ودايركت تذكرت الموضوع وتذكرت الاخت اللي دعت لي
أشكر الأخت lolo ichigo من كل قلبي واشكر كل من دعالي بقلبه وماكتب رده بالموضوع جزاكم الله الف خير
وهذا رابط الموضوع عشان تتاكدون من صحة كلامي:/
http://alfrasha.maktoob.com/alfrasha...read1508344-3/
اللي ابي اوصله لكم من كل هالموضوع محد يستهين بالدعاء للغير يعني اذا دعيتي ادعي لنفسك ولغيرك ترا هالشي اقرب في الاجابه والملايكه تقول ولك المثل واذا استغفرتي لنفسك استغفري للغير
اذا وحده نزلت موضوع وكتبت دعواتكم ادعولها واذا وحده حطت بتوقيعها ادعولي بالزوج او الذريه او الوظيفه او الشفاء ادعولها لو بسركم .. وان شاء الله ربي بيكرم الجميع بالاجابه
وماننسى قول الرسول صلى الله عليه وسلم إذا دعا أحدكم فليعمَّ فإنّه أوجب للدعاء ، ومَن قدّم أربعين رجلاً من إخوانه قبل أن يدعو لنفسه ، استُجيب له فيهم وفي نفسه))
أتمنى موضوعي يلقى الصدى المرجو وتستفيدون منه وربي شاهد على صدق كلامي ولاتنسوني من دعواتكم ان ربي يتمم زواجي على خير ويديم نعمة الصحه والعافيه ويكرمني بوظيفه ويكرم جميع اخواننا المسلمين