لا تنسوا الصدقه بنيه الزواج يابنات

بسم الله الرحمن الرحيم
كيفكم يا عسولات
لكم وحشه قد الدونيا
شفت الكل يكتب مواضيع فقلت أنا كمان خليني أسولف أفيد اخواتي في هالمنتدى الغالي مثل ما فادوني و اكتب لكم تجربتي أسأل الله العظيم رب العرش العظيم بان يحقق لي مرادي و يرزقكني و أياكم بالزوج الصالح ..
المهم انا من شهر رجب نويت أني أجمع مبلغ و أشارك فيه بمشروع أفطار صائم في المدينه المنوره فيها من أنواع الماكولات من إللي أحنا ناكلها ..
و فعلا بديت أجمع مبلغ من تعبي و شغلي و دعيت الله أنو يعطيني الصحه و الحمدلله الله قواني و جمعت المبلغ إللي حطيته في بالي ..
و قلت يارب بنيه أني انخطب بالعيد
ولا زلت اتصدق بأي شي انا و اخواتي رمضان ما يجي إلا مرا بالسنه يا بنات ..
لما يجي طفل يسأل بالسوق يقلك أبغى عصير او عجوز مارح يضرك لو طلعتي من الفكه إللي مرميه في كل مكان أعطيها تاكل لها كيك أو تشتري عصير وش تسوى لما تشوفي أبتسامه على وجيههم ..
حاولي قد ما أقدر ما أرد سائل و ما يهمني إلا نيتي دام الله منعم علي و دام أنها لوجه الله عز وجل ..
"...قال تعالى : ( فَأَمَّا الْيَتِيمَ فَلا تَقْهَرْ (9) وَأَمَّا السَّائِلَ فَلا تَنْهَرْ (10) وَأَمَّا بِنِعْمَةِ رَبِّكَ فَحَدِّثْ )
و ماشاء الله المحافظ عامرة بهالوقت و الدولايب مليانه ملابس كشخه مركونه و كل القرايب شافوها و ما عاد تنلبس من حق السنين الماضيه ..
نزلي منهم ..
و أكيد في بنات ما عندهم ملابس للعيد و ما يقدرو يشتروا نزلو منها يالغاليات (الصدقه لما تكون من الشي إللي تحبيه تكون غير )
أول مرا أغير تفكيري بهالشكل و اتصدق ..
رغم انو الشيطان كان شاطر و يلعب بتفكيري بس ما قدر عليا ههه
أنا عمري 25 سنه و لسا ما تزوجت كثير انخطبت و ما يصير نصيب من الله سبحانه
و نويت أقرأ معاكم سورة البقرة كل يوم يا بنات هنا بالمنتدى بنفس اللحظه و دق الجرس و طلعت ..
و جات عندنا حرمه ( راعيه بقشه ) تبيع ملابس دائما تجي عندنا و استقبلها و ادخلها عندها اطفال صغار و تجي شايله البقشه كبيره على ظهرها مشي بالشمس و تمر على بيتنا دائما حتى لو ما بشتري منها أدخلها و اعطيها عصير و أسولف معاها ..
المهم ذاك اليوم جلست هذي الحرمه مع امي ( أمي بالشرقيه و انا بجده يعني أشوفها الإجازات) ..
و قالت والله بنتك طيبه دائما اجي و تدخلني مو زي باقي البنات لو دقيت الباب ما يفتحوا من ورا الباب يقولو ما نبغى ورفعت الحرمه أيدينها و قالت يارب ترزقها بالزوج يارب إللي يتمناه قلبها
و تخيلوا ماما امنت و قالت ياارب و يكون أبيض و طويل و شعرو ناعم ههه
قمت أنا قلت مااما و من قالك أني أبغى أتزوج أبيض ..
قلت أبغى أسمر و قصير و أصلع و عندو كرشه << أمزح معاها ههه و أعد بأصابيعي
يا ماما الله يسامحك الأنسان مو بشكلو الانسان باخلاقه ..
بس و جلست ماما تشتري من الحرمه وانا رجعت جلست المنتدى ..
إلا رن جرس التلفون و ردت ماما .. حزرو طلعو مين ...؟
طلعت وحدت تبغى تخطبني
لسا حتى راعيه البقشه ماراحت تخيلو ...؟؟؟
ماما جاتني تقلي عريس عريس ههه
قلت لها من وين .. من راعيه البقشه ..؟
قالت لاء ... دقوا على التلفون ..
حسيت أني في مسلسل عايزه أتجوز ههه
يا سبحان الله كانت ساعه أستجابه لما رفعت الحرمه أيدينها و دعت لي ..
حبايبي ما قصدي بالموضوع أرائي أو شي ولكن يا بنات الصدقه و معامله الناس بالحسنى مافي زيها ..
و احنا مقصرين كثير .. حتى والله أخلاقنا أحيان تصير مو حلوه نشوف حالنا أو نتكبر ..
أدعوولي يا بنات ربي يتمم لي على خير و يهديني و يرزقني و أياكم بالزوج الصالح
و ان شاء الله نسمع اخبار حلوه قريبا