لا شفتك كاشخ طحت من طولي بقلمي

1. ميس : ههه بسكم هواش ...


2. جنى مشت عنهم و هي تركض بحالمية للمكان اللي تحلم فيه بفارس أحلامها ..

السلام عليكم ..
شحالكم حبوبات ؟..
عساكم بخير ..
ما بطول عليكم ..
البارت الآول ..
والكل نايم في بيتهم الكبير(( القصر ))..
ما عدا الخدم اللي ينظفون و يجهزون طاولة الفطور ..
هذا كان يوم ككل الأيام ..
روتين كل يوم يتكرر ..
الساعة 8:00 ..
في غرفة بنت من بنات هالعائلة نايمة على سريرها الفخم ..
ترن ترن ..
تعالى صوت المنبه ..
مدت أياديها الناعمة و طفته ..
و قامت راحت للحمام تأخذ شاور و تصلي ..
و غيرت ملابسها و طلعت من جناحها متوجهة لجناح اختها ( لجين ) ..
راحت دقت الباب لكن لجين لو تفجري قنبلة جنبها و هي نايمة هم ما بتصحى من النوم ..
توكلت على الله و فتحت الباب ..
كان الجناح فوضوي حيل ..
الاغراض و الملابس متناثرة في كل مكان ..
و حتى المنبه شغال و على اغنية روك اند رول و كان حيل فوضوي ..
و لكن لجين في سابع نوومة ..
ابتسمت جنى على اختها و تقول في نفسها ( أكيد قاعدة تحلم بفارس أحلامها ) ..
جه صوت من وراها و قال : ترى مو الكل نفسك فاضي يحلم بفارس أحلامه ..
ردت جنى على اختها الثانية ريتاج : احم احم وش دراك في وش كنت افكر ..
اشرت ريتاج على فمها : من ابتسامتك ..
ردت عليها جنى : دومك كاشفتني ..
ريتاج غيرت الموضوع : للحين ما صحت ..
جني : كنت بصحيها لولا دخولك المفاجئ علي ..
ريتاج : قصدك سرحانك بعالم الخيال ..
طقتها جنى على كتفها : اوف ما صار يلا خله نصحيها ..
ريتاج : يلا ..
تقربوا من لجين بصحونها ..
ريتاج هزتها : لجين يلا قومي ..
لكن ردت عليها لجين برفسة قوية طيحتها على الارض :آآآآآآآخ ..
جنى : بوريك فيها و راحت شدت شعرها بقوة ..
و تعالت أصوات صرآخهم الا ان لجين عطت جنى صفعة خلت خدها يحمر ..
جنى : توبة أجي أصحيك من النوم ..
لجين : ما قلتي هالكلام الا لما صحيتيني ..
جنى : أظن انك تعرفين برستيج الوالدة الله يطول بعمرها ..
لجين : اي طبعا حفظها الله ..
ريتاج : تتطنزين حضرتك ..
و كان هذا آخر شي سمعوه من لجين اللي دخلت الحمام و صكت الباب بقوة لدرجة انه صوت مزعج طلع ..
جنى مدت يدها تساعد ريتاج انها تقوم : يلا نطلع من هنا نروح نصحي ميس ..
ريتاج : اوكي ..
مسكوا أيادي بعض و مشوا ..
و كل وحدة تضحك على كلام الثآنية ..
راحوا طقوا جناح ميس لكنها ما ردت ..
فتحوا الباب و دخلوا ..
و كالعادة جناح ميس تصميمه غريب ..
في كل جدار و كل زاوية رسومات غريبة ..
و كأنك داخلة عالم ثاني ..
لأن االرسومات تشبه الرسومات مال التنويم المغناطيسي ...
طلعوا ..
و هم مستغربين من ذوق (( ميس )) الغريب ..
ريتاج : ما ادري كيف ميس متحملة الجلسة في غرفتها ..
جنى : ما اعرف و لا ابي اعرف بعد ..
ريتاج و جنى : ههه..
و هم نازلين من على درجهم الطويل اللي بشكل لولبي ..
و اللي تصميمه فخم من تصميم أحسن المصممين ..
شافوا ميس ..
ميس : صباح الخير ..
ريتاج : صباح النور ..
جنى : صباح الفل و الياسمين و المسك و العنبر و توها بتكمل ..
بس قاطعتها ميس : خب انتي بالعة راديو ما شاء الله عليك الواحد يتكلم كلمة هي عشر ..
ريتاج : ههه ..
جنى : بايخات ..
و مشت عنهم و هي تتبختر بمشيتها ...
سمعت صوت من الصالة : هلا و الله ببنيتي ..
جنى : يا هلا فيك بابي ...
أبو جنى : تعالي اجلسي جنبي ..
جنى : تآمر أمر يبه ..
أم جنى : عز الله طاح كرتي ..
جنى : ههه لا تخافين يومه انتي على العين و على الرأس و راحت لها و ضمته و باسته على رأسه ....
أم جنى و أبو جنى : ههه ..
أم جنى تشوف ميس و ريتاج جايين و يتمشون على مهل طالعتهم بعيون غاضبة : مو قايلة لكم الساعة 8 : 00 بالضبط كلكم على طاولة الفطور يعني تضبطون المنبه على الساعة 7:30 فاهمين ..
ريتاج تمثل الحزن و عيونها على الارض : حاضر يومه ..
ميس : ههه يومه شرآيك تألفين كتاب يتكلم عن برستيجك ...
أبو جني و جنى : ههه ..
أم جنى : انتون ثلاث وين الرابعة ها ..
جنى : كل يوم على هالقصة ..
لجين بصوت ناعس : جيت ما يحتاج يقولون لك القصة خ ..
بعد الفطور ..
الكل جلس يتقهوى و يأكل حلا ....
لجين مجودة بطنها : آآآآآآآآآخ شبعت ..
ميس : الناس تقول الحمدلله ..
ريتاج : الحمدلله ..
جنى : ههه
أم جنى و أبو جنى : الله يحفظكم لنا ..
ريتاج : آمين ..
ميس : يا رب العالمين ..
لجين : ان شاء الله ..
جنى جلست وسط امها و ابوها : و الله يحفظكم لنا ..
بعد دقايق ..
جنى وقفت بتروح ..
ريتاج : على وين ..؟
جنى : بروح حديقتي الخاصة فيني و ابتسمت لهم ...
لجين : اوف على هالرومانسية اللي تبط الجبد فلتوا لك كم وردة و قالت شو حديقتي الخاصة ...

ميس : ههه بسكم هواش ...

جنى مشت عنهم و هي تركض بحالمية للمكان اللي تحلم فيه بفارس أحلامها ..

و كانت حديقة جنى الخاصة على قولتها هي جزء من حديقتهم الكبيرة و الواسعة مزينه لها ابوها بكل انواع الورود مكان خيالي و رائع و رومانسي و يتوسطها أرجوحتها اللي مزينة بعد بورود وردية و بيضاء و شكلها روعة ..
جلست جنى على أرجوحتها و هي مستانسة و قعدت تحلم كيف بيكون فارس أحلامها طويل او قصير أي لون عيونه عسلية او سوداء ام ..
شكل جنى اسطوري بشعرها الكيرلي المتناثر على ظهرها ..
طبعآ بنرجع لريتاج و ميس و لجين ..
لجين : ام خاطري أقص شعري أحسه طايل بزيادة ...
ميس : خلي شعرك يطول أحلى ..
لجين : لا مو حلو و بعد بصبغ شعري بخصل زرقاء ..
ريتاج : وع مو حلو لجون خلي شعرك على طبيعته أحلى و بدلع قالت صيري مثلي ..
لجين : وه حركات الدلع ما احبها ..
ريتاج : يعني تبيني أصير خشنة نفسك ..
لجين : آنا مو خشنة أنا طبيعية مو انتي دلوعة الماما و البابا ..
ميس قاطعتهم : بس وش رأيكم نروح برى نتغذى و نشتري لنا ملابس ..
ريتاج : خوش فكرة ..
لجين : اي بعد منروح الصالون أبي اقص و أصبغ شعري ..
ميس : اوكو يلا يا ريتاج خله نبدل و نطلع و انتي يا لجين روحي نادي جنى ..
لجين : اوكي..
ابتسمت بخبث و هي في بالها فكرة جنونية ...
و هي تقول : أوريك يا جنى ..
و راحت اخذت لها سطل و عبته ماي بارد و حطت فيه قطع ثلج ..
و هي تضحك بطريقتها الشيطانية : ههه ..
و قامت تركض لها و كالعادة كانت سرحانة بتأملاتها ..
بوم ..
كبت لجين الماء البارد كله على جنى ..
اللي ارتجفت من البرودة ..
و قامت تركض ورى لجون ..
و هي ما تجوف عدل لأنه الماء كبته على وجهها و دخل في عيونها ..
و بدل ما تركض ورى لجين ..
دعمت في الجدار ..
جنى : آآآآآآآخ ..
لجين خافت : جنى فيك شي ..
جنى : يعور ..
لجين : اوكي امشي بوصلك جناحك اوه نسيت أقولك بنروح المول ..
جنى قامت و لا كأنها دعمت الجدار : جد ..
لجين : ههه أيوة ..
جنى : سلام و راحت ركيض على جناحها تبدل ..
في المول الساعة 10:30..
ميس و ريتاج و جنى و لجين محط أنظار الجميع بكشختهم و جمالهم ..
و كأنهم أربع باربيات أو أميرات يتمشون ..
و طبعآ ما خلت الطلعة من الترقيم و المغازل الشباب لهم ..
بس طبعآ ما عطوهم وجه ..
بغض النظر عن أن عائلتهم فري و مو متحجبين بس ما يخونون أهلهم أو يكلمون شباب بعيد عن نظر أهلهم ..
الحين خله نتكلم عن العائلة شوي ..
أبو و أم جنى قرروا العيش في أمريكا ويه بناتهم الأربع التوائم و بغض النظر عن انهم توائم الا انهم يختلفون في الشكل و الشخصيات تماما ...
و هم عندهم قصر حيل كبير و هذا يدل على انهم من الطبقة الارستقراطية و لكن على انهم أغنياء كثير بس انهم جدا متواضعين و حبوبين و طيبين ..
يوم رجعوا البيت اخذوا لهم شاور و لبسوا لهم ثياب مريحة ..
في الليل بعد العشاء ..
الأم مع بناتها الأربع متجمعين في الجلسة برى ..
و كانوا قاعدين يسولفون مع بعض ..
يعني الجلسة بناتية ..
هذي كانت قاعدة من برستيج الأم ..
أن دائما تخصص يوم من الأسبوع عشان تسولف و تتكلم مع بناتها ..
ميس : بنات بنات اسكتوا شوي ..
البنات سكتوا ..
ميس : ماما قولي من أحلى وحدة فينا ؟..
لجين : أكيد أنا ..
ريتاج : لا أنا ..
ميس و جنى : لا أنا ..
أم جنى : كلكم حلوين يا بناتي و مثل ما كلكم مختلفين في الشخصيات و الشكل حتى جمالكم يختلف ..
فلجين مآخذة سمارها من أبوي و عيون جنى الخضر من أمي الله يرحمها أما رتوج فبياض بشرتها من من أم أبوكم و ميس لون شعرها على لون شعر أم أم أبوكم رحمها الله فهمتون يا بناتي ..
ميس و لجين و ريتاج و جنى : اها ..
لجين : ماما بكرة بطرشون نتائجنا من المدرسة ..
جنى : ان شاء الله ممتاز يا رب ..
ريتاج : بتسوون لنا حفلة ..
أم جنى : أكيد يا حبايبي ..
يلا يا بنات دقت الساعة 12:00 يلا روحوا ناموا..
لجين : حاضر طال عمرك ..
الكل ما عدا الأم : ههه..
أم جنى : ترى ما في حفلة ..
البنات يتسابقون لداخل الفيلا : لا ..
و بقت الأم تتمشى على رآحتها ..
وصلت للنافورة و جلست جنبها تطالع المااء ..
و قالت : الله لا يغير علينا و يديم هالسعادة يارب ..
أبو جنى جه من وراها : آمين ..
أم جنى : خرعتني ..
أبو جنى : بسم الله عليك من الخرعة ..
أم جنى : يلا نوم الساعة 12:00 ..
أبو جنى : ههه أوكي ..
أم جنى مسكت يده و مشوا لجناحهم ..
استنى ردودكم و توقعاتكم ..