الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
مكرووووووووووونة
22-05-2022 - 09:07 am
لايفوتكم يابنات الثانوية ......شيء رهيباحتارو البنات وين يدخلون علمي ولا ادبي وكل وحده دخلت القسم اللي تبيه يا انها مع صديقاتها
ولا تبي تفتك من الرياضيات والفيزيا واللي تبي تفتك من التاريخ والي تبي والي تبي...
وفي هالوقت قامت وحده من البنات العلمي كتبت هالقصيده :
حسبي الله على من تسلط على المسلمين=ضعنا ونبي رايكم يالسامعين
سهرنا الليل ورحنا نقول دارسين=وقلوبنا من الاسئلة حافظين
حفظنا الذهب والفضة وجانا الخارصين=والفراغات مليناها كلهاتخمين
ورحنا للسؤال الثاني على بالنا فاهمين=معادلات مع الاوزان عز الله ضايعين
ماعرفنا من الرموز الا الماء والاكسجين=والا السؤال الثالث يامن يعين
مسالة مانعرف لها راس من رجلين=اكتبي الصيغة الوزنية ماحناعارفين
والقوانين والله يستر علىالقوانين=تكسرت الالة من الطقطقة مابقى الا زرين
والمصيبة مشرفتنا تصرخ يانايمين=من زود الوناسة شايفتنا قاعدين
سلمنا الاوراق مافيها صح الا اثنين=الاسم ورقم الفصل وعلىالباقي مشطبين
ياناس انصفونا من الظالمين=والا ترانا اخر السنه من الراسبين
واخرتها سلامتكم يالربع والسالمين=واذا مااشتكينا لكم نشتكي لمين
شافوها بنات الادبي فتبرعت وحده منهم وردت :
من قال لكم تدخلون علمي يالمجانين=هذي هي سوات ايديكم يالفالحين
اسهروا ليلكم مع نهاركم ياالشاطرين=وحنا بنشخر مع النايمين
وحفظ الادب والمكتبة ومواد الدين=على طول بنجاوب دامنا حافظين
قلنا لكم نيوتن وفيثاغورس ميتين=وجعلكم ماتصيرون بانفسكم فالحين
واخرتها الله يسلمكم يالسامعين=وان شاء الله نشوفكم مع الراسبين
تنرفزوا بنات العلمي وقالوا :
تحطون راسكم براس العلمي يالمساكين=ترى لكم الكرف والبيت وغسل المواعين
اتركو عنكم الحقد مركزنا منتوب واصلين=حنا لنا العلم والمستقبل يالمساكين
واخرها الله لايسلمكم من البلاء يالمساكين=واخر السنه ان شاء الله نكون من الناجحين...


التعليقات (9)
*مــــريومه*
*مــــريومه*
ههه
ههه
الله يقطع ابليسج
تصدقين كنت متضايقه عشان بكره علينا امتحان كيمياء وصعب اشوي
بس شفت موضوعج استانست..............
ههه
تسلمي ين حبيبتي

منال الدخيل
منال الدخيل
ههه
حلوه صدقت مثلت حالتنا ياالعلمي مع الهم الكيمياء والاحياء 00

"؛"فراشةدلوعة"؛"
"؛"فراشةدلوعة"؛"
تسلمين يالغالية مرة حلوة

باربي الحلوه
باربي الحلوه
تحطون راسكم براس العلمي يالمساكين=ترى لكم الكرف والبيت وغسل المواعين
والله ما الوم اللي كتبتها لان هذا الواقع
احنا ادبي شهادتنا تعتبر في الزباله ما لها فايده
الا ................
انتبهوا تراى في حاله استثناء <<<<<<<ادبي يسري مفعوله فيها
الا البنت اللي بتعرس وتفتك
عساني اكون وحده من اللي بيعرسون
امين

w a ! a a
w a ! a a
مرحبا
فله.. ليتني احب الشعر كان رديت على اخر بيتين
مين قال انه اخرتنا بالبيت.. ياكثر بنات العلمي اللي سهرو ليالي وايام واخرتها كان بالبيت
ترا مافي فرق الحال من بعضه وماادري ليش احس اللي داخلين علمي بس زعاطه!!!
المهم دعواتكم هاليومين
الاختبارات تهد الحيل

مكرووووووووووونة
مكرووووووووووونة
مشكورين يا بنات على مروركم الكريم ...............وان شاء الله ينجح الجميع علمي او ادبي الكل من الناجحين او بالشهايد فايزين............................................ .................................................. ......................ولا تنسون الحلاوة الزينة ترانا ابها نكون مسترين والله يوفق الجميع.

نبض احساسي
نبض احساسي
ههه والله ضحكتيني اقوول باربي حلووه شنو في الزبااله الشهااده يعني احنا الادبي طاايحين لا والف لا
والحين تسااوت الرووس يعني ادبي وله علمي نفس الشي النهاايه الوحده في بيت رجلها
انا وحده احمد ربي اني دخلت ادبي <<< والله يووفق الجميع وادعوولي بناات الحين اختبااراات

عشق الكتابـــــة
عشق الكتابـــــة
ههه
بس ولو العلمي احلى<<<القرد بعين امه غزال...
تسلمين..

&$ورده$&
&$ورده$&
ههه
حلوه والله انا تعبنا من العلمي بس لا زم نتذكر من طلب العلا سهر الليالي
تسلمين اختي مكرونه

مالنا حظ
أحبهن وسوف أودعهن وقلبي معهن