لااريد منكم سوى دعوه صادقه

بين أربع الجدران صرنا مساجين *** صارت ليالينا علينا عجاف
اليوم كنه يا هَل الدين عامين *** همٍ يجي قدمي وهمٍ خلافي
وين الربوع اللي على القلب غالين *** من وقت سجني قلبهم ما يشافِ
والصدر ضاق وزود الهم همين *** ولا حدٍ لحالي غير مولاي شافِ
وجدي على مكة وشوف الملبين *** ناخذ فروض السعي عقب الطوافِ
وجدي على شوف النخل والبساتين *** وشوف الرياض اللي بها العشب زاهي
وجدي على شوف الرمل والظلاعين *** لصحصحاً تسفي عليها السوافِ
يا محلا مع شقة الصبح ما شين *** معقب سيل الوسم والجو صافي
في داخل الغرفة عددنا ثلاثين *** والزاد والوجبات ماهي نظافِ
شفنا الغبن من حجرة السجن والبين *** وأجسادنا صارت هزالٍ ضعافِ
من الغبن في ضامري مثل سكين *** ولاحدٍ لحالي غير مولاي شافِ
يا وقتنا اللي غيرن الموازين *** وأشوف في سير الزمان اختلافِ
الشمس ما تشرق بوسط الزنازين *** هل نورها في تالي الوقت طافي
نسهر طوال الليل مثل المصاخين *** عفنا الكرى والجفن ماهو بغافي
يالله ياللي مالك الملك والدين *** محدٍ سواك لوضعنا اليوم رافي
أنت الذي في علمك الزين والشين *** وأنت الذي سترك على الناس ظافي
عجل بفك قيودنا يالمساكين *** وإنك تورينا السعد والعوافي
الله يخليكم ادعوا ان الله يفرجها على زوجي يمكن منكم من دعوتها مستجابه
كل ما ازور زوجي يسمعني هذي الابيات