لابد تذكر كم ياورد بكوك وكم ليلة تبكي إلين أستراحوا

1. www.alfrasha.com


2. اليوم جيتكم بعمل جديد بعد عملي للديكوباج


3. ايش رايكم ياحلوين ؟!


4. اتمنى عملي يكون حاز على رضاكم ورضاء المشرفات

لابد .. تذكر .. كم ياورد ... بكّوك ..!
وكم ليلةٍ تبكي ... إلين .... أستراحوا
السلام عليكم ورحمة الله وبركاته .

www.alfrasha.com

اليوم جيتكم بعمل جديد بعد عملي للديكوباج

وهو كيفية عمل وردة من الورق و الوردة اخذتها من المشرفة الحلوة ( a7la shosho ) بس هي تقول انا ماكان عندي اوراق ملونة فاستخدمت الورق الي يستخدمونه للمقليات أو يلفونه بالسندويتشات فقالت لما تطبقونه الفكرة استخدموا ورق ملون إذا عندكم
وانا استخدمت أوراق ملونة وا خذت من كل لون ورقتين (أبيض , وردي , أصفر, سماوي )
اخذت كل الأوراق ولميتها سوا مع بعض وبديت أطويها مثل كذا
تطوين الورقات كلها لآخرها لما تصير مثل كذا
ثم تربطينه من الوسط بخيط يعني تلفينه عليه من الوسط كذا لفة عشان تثبت الورقات
لما تلفينه تخلينها من الجهتين مثل المروحة <<علي وصف خطير بس بالصور بتفهمون إن شاء الله
وتجيبين مقص و تقصين اطراف الورق على شكل قوس يعني ترجعين الأوراق مثل ما كانت لا تجنحينها خليها مستقيمة
بعدين تقصين اطراف الورق على شكل قوس
طبعا أنا كنت اشتغل بالليل مواهبي ماتطلع إلا بالليل ودورت المقص بالقسم كامل مالقيت مقصات من رداة الحظ مالقيت ولا مقص مدري وين راحوا بس قلت مالها إلا نسوانها وجبت لي مشرط وقصيته و ياجبل مايهزك ريح
هنا لما قصيتها
وبرضو هنا شكلها بعد القص
الحين بعد ماتقصين وتخلصين جنحيها وخليها مثل المروحة
وطلعي كل ورقة عن الثانية على فوق يعني افصليها عن الورق الي تحتها وارفعيها على فوق بوجود الخيط بدون ماتفكينه
هذا شرح شوشو
اسحبيها ورقه ورقه بترتيب على فوق وكل ما انتهيتي من ورقه ارفعي اللي بعدها الى اخر ورقه
وأنا قاعدة اسويها متحمسة اقول كيف بتطلع احلا شوشو سوتها بدون ألوان وطلعت تجنن كيف بألوان
و طلعت مثل كذا
8
8
8
8
8
بنات قولوا ماشاء الله تبارك الرحمن واذكروه لا تصكوني عين خبركم العين حق
8
8
8
8
8
هههاي
<<ياشين الواحد لا تحمس <<فيس يبكي
تقطعت الأوراق اهئ اهئ
بس عرفت ايش المشكلة لأن أوراقي كانت متينة وصعب اسوي فيها الحركة فاتقطعت وطبعا من القهر والتعصيب كملت عليها
بس أنا حطيت في بالي اسويها يعني اسويها
ورحت جبت لي مجموعة من ورق النشاف و اتبعت نفس الخطوات
وطلعت بهذا الشكل

ايش رايكم ياحلوين ؟!

اتمنى عملي يكون حاز على رضاكم ورضاء المشرفات

ايوه العذر و السموحة قاعدة اصور لكم على الأرضيه , ابوي لما وريته موضوعي بالديكوباج قال : الله لايفشلنا مالقيتي تصورين إلا على الفرش الواحد يصور على طاولة لا جا يشتغل.<ههه ابوي ذا فله ترك الموضوع بطوله وعلق على التصوير خخ
بس خبركم الواحد ماياخذ راحته إلا على الأرض
<<تصدقون قبل شوي سويت الموضوع بالكامل لدرجة انه اخذ تقريبا ساعتين إذا مو أكثر ولما جيت سوي معاينة للموضوع علقت علي الصفحة وراح تعبي كله
التقييم والردود يا حلوين لاهنتوا ^_^
.. بنت رجال ..