لاحظتي هالشي في شعر الممثلات والمذيعات والعارضات

غدوووووووو

17-10-2022 - 02:49 pm

هلا بالحلوات
انا من زمان ملاحظة شي في شعر الممثلات والعارضات والمذيعات - بس كل ما سألت احد قالوا لي : تتوهمين !!!
والحين ابيكم تركزون معي ... يا توافقوني على رايي والا اشيلة انا من راسي :(
تلاحظةن بداية شعر الممثلة من ( عند الجبهة ) جاي كأنه ( محدد ) كأنه خط مستقيم -
مو مثلنا شعرة بالغرب وشعره بالشرق وعلى الجبهة من الجانبين شعر محيوس وحاجات !
انا رحت لأكثر من 7 مشاغل وسألت الكوفيرات : هل هم يحلقون شعر الجبهة ؟ هل هم يصبغونه ؟
والا خلقة ربي كذا فيهم كلهم ؟؟
المهم رحت لبنان مرة ... وهالسالفة محرقة قليبي ... فلاحظت ان البنات العاديات - غير الممثلات - شعورهم مثلنا حوسة من عند الجبهة ... بينما اي وحدة مذيعة والا ممثلة والا عارضة والا تاجرة عندهم تلاحظين هالشيء في جبهتها
شعرها محدد كأنه مشيول بحلاوة بطريقة نظيفة ودقيقة بالمرة .
فوش رايكم بنات - نكتشف هالسر ونسوي فريق لحد ما نعرف وش الطبخة ؟
وقبل هذا : انتم فهمتوا وش قصدي ؟؟
ترى بااتجنن لو مافهمتوني !!!
كمان باحاول احط هالموضوع في اكثر من منتدى علشان نستفيد ونعرف الطبخة بسرعة .
سي يو

التعليقات (9)

نانسي عقرب

17-10-2022 - 05:38 pm

والله أذا هي سالفه بس في الممثلات والفنانات فعادي مأستغرب منهم كل شيء يسونه ترى من تشقير وتنظيف في كل مكان وخصوصاً الوجه وبعدين أكيد يسون حاجه زي ماقلتي البنات العاديين غير >>>>>>>ولو في أحد يعرف أكيد راح يفيدنا
أن شاء الله

نوني2006

17-10-2022 - 06:39 pm

تصدقين انا ملاحظه واللي يقهر انه ما ينحاس
موب مثلنا تحرقينه بالاستشوار وشوي تصيرين شمس مشرقه
يالله انا معك بالبحث يا محقق كونان ههه

jory2253

17-10-2022 - 07:40 pm

اي والله انا لاحظته اكثر شيء في نجوى كرم شعرها من قدام مرتب
ههه صدقت يانوني نحرقه بالاستشوار وبالنهايه شمس مشرقه

"؛"فراشةدلوعة"؛"

17-10-2022 - 08:41 pm

صادقة والله أنا ملاحظة كأنهم مرسمين جبهاتهم رسم

الهنوف2006

17-10-2022 - 09:42 pm

حبيبتي غدو لانهم يشيلونه بالخيط كل الاجنبيات حتى كنت في مكة كلهم نامصات والعياذ بالله الله لايبلانا ولايبتلينا الخيط معروف ينظف الوجه ويحددون الاطراف من عند الجبهه وشكرا

ام جود وشهد

17-10-2022 - 10:43 pm

ممكن باروكه؟؟؟؟؟؟؟؟؟؟
لان االباروكه تجي محدده وطبعا الحين غير حقت اول اللي تكون واضحه انها باروكه

منوتي

17-10-2022 - 11:44 pm

بنات جيرانا شعرهم كذا خلقه أنا صراحه اعتبره علامه جمال واتوقع انه في خلطه تخلي شعر هلمنطقه يطيح ............والله أعلم

loli_pop_girl

18-10-2022 - 12:45 am

هذا يسموه ( قص الوجه ) .. يشيلوا الشعر من عند الجبهه عشان يصير مستوى واحد.. عادي لو رحتي لأي صالون تجميل راح يسولك.. مستغربه منك انا لمن قلتي انك رحت كم مشغل وماعرفوله؟؟؟؟؟؟>>>> بتستوعب الهرجه.. لول..
تحياتي..

نرمين*

18-10-2022 - 01:46 am

كل شئ جائز عندهم لكن لازم نسأل اذا كان حلال أم حرام قبل البدء بأي خطوة

زيت للتطويل وتنعيم وتكثيف الشعر بدون اضرارمضمون←
حزينه وشعري ما يطول لا تطنشوني امانه→