لالمقاطعة الصوالين ومن غيرزعل

سبق وتكلمت بنفس الموضوع اولا لايجوز قطع الارزاق ثانيا مهما اتقنا الصبغ لن نتقن القص ولن نتقن فرد الشعر ولن نكون متقنين الصبغه ميه بالميه لذا تبادل الخبره والسؤال عن صوالين تتقن الخدمات وباسعار معقوله مثل صوالين الصفااسعارها نازله بس فيها خدمات متقنه وفيهاخدمات غيرمتقنه وفي صالون في النهضه مسوي كل خدماتو ب30 ريال بس والله للأمانه اناماجربتو بس يقولولى زباله وبهدله وفي واحد بالمحمديه اسعار رخيصه بس عندهم عامله واحده فلبنيه تسوى كل الخدمات واكيد ماراح تتقن كل شئ وفى واحد بالمحمديهعامل الخدمات الاساسيه مثل المكياج والتساريح 150 وباقى الخدمات احسن من باقى الصوالين في الخدمه وفي صوالين تقولك اربع او خمسه خدمات ب100 ويضحكون علينا فيها وشغلهم زفت المهم بس ودى اوصل رسالة الى يطالبون مقاطعة الصوالين بسبب ارتفاع اسعارهم بس انتوبتروحولهم هم مأجبرو احد بالقوه تروحولهم وتقولو اسعارهم خياليه ومع هذا فئة كبيره تروحلهم عشان يتفاخرو بين بعضهم انا سويت مكياجى فى منا سنتر والثانيه ان سويت التسريحه في جاك والثالثه انا سويت في نواره مع العلم نفس الى بيسوه هالصوالين بتعملو الصوالين المعتدله والله العظيم بس المشكله مو الاسعارالمشكله تكمل في ا لتباهي والتفاخر ولا عشان موقع الصالون بالتحليه أو الخالديه يعنى الموضوع كلو مظاهر في مظاه ر .... فى جميع انحاء العالم توجد صوالين خاصه بجمال السيده منها للمظاهر ومنها لطلب الرزق بس ما عملو زينا وانهبلو بالاسعار وما قالو نعمل مقاطعه حتى عندهم في اماكن باهظه وفي اماكن معتدله مثلا لو انتى في لبنان وتبغي تقصى ولا تصبغى راح تروحي عند بسام فتوح ولا احمدالقبيسى عشان هما الي صبغو وقصو ومكيجو الفنانات ؟ولا راح تروحي عند صالون عادي بس يكون مرتب واسعاره كويسه وفي النهايه نفس النتيجه الى عند بسام واحمد حتلاقيه بنفس المستوى بس اللهما فلان الي صبغلي وفلان قصلي ... واذا كنتى متمكنه بالمكياج وتسويه لنفسك شئ حلووخيروبركه بس موكل السيدات تتقن المكياج لنفسها اوتعمل تسريحة انا اول وحده لاأعرف اتمكيج ولا امكيج بس احنا مشكلتنا الخلجيات كل مين قلنا شئ صدقناه ان شاء الله يكون في اخر الدنيا نروح نجري عليه ليه عشان كل العوايل بتروحلو حتى لو كانت الاسعارافتراء !!!!!عشان مناسبه زواج اخويا ولااحدمن اقربائ ليه ادفع 800او1000 ونفس الشئ بيعملو صالون اخر ماراح يكلفنى نص الى راح يكلفنى عند صالون منا سنتر والمقينه ولا نواره ولاجاك واهل العقول براحه وعلى فكره هم مأجبرونا الصوالين هذه اننا نجيهم احنا نروحلهم برجولنا وبإختيارنا وبعدين نقول مقاطعة والله يأخواتى انا وكل عيلتى لى 3سنوات لدرجة ماغيرنا صالوننا اسعارهم مناسبه وشغلهم نظيف لايهمنا شهرة ولا يهمنا سمعه كل الى يهمنا شغل مرتب واسعار معقوله معامله كويسه ويقدرو الزبون بس انى اقول مقاطعه اتحداكم ما والا نلجاء للصوالين بس يكون اختيار موفق...والله جات وحده بالعيد تصبغ شعرها وكان شعرها محروق وطايح نص الشعر رفضت الكوفيره تصبغلها قالتلها شعرك مره معدوم وحرام تتعبيه زياده اول عالجيه بالزيوت والكريمات وخليه يرتاح بعدين اصبغيه وسالتها مين صبغلك قالتلها صالون مسوى عروض صبغة موحده + هالايت +سشوار +قص ب100ريال وعدمونى وكنت راح اطلق بسبب هالموضوع أحب أقولها ((انتى روحتى برجولك عندهم مأحد اجبرك عشان لاتدفعي )) كان بأمكانها الكوفيره تصبغلها عشان تاخذ منها فلوس بس والله مره عجبونى يخافو على الزبون ولا يهم عندهم الفلوس قد مايهمهم الزبونه الى ودي اوصلو لكم في صوالين اسعارهم معقوله ولا يهمنى العروض الى ب100 ريال وهم عاملين مثل حلقة الخضار او محل يابلاش .يالله قولولى ايش رأيكم هل لاتزالون تتطلبو مقاطعه والله انا معاكم وليس ضدكم بس(( ابحثو انتم عن الافضل بالخدمات والاسعاروربنا يوفقكم))