لاي استفسار بخصوص الديكور

هلا والله وغلا جيتي بوقتك ويارب تكوني عند حسن الظن
انا الان اجهزلي غرفة نوم جديده والبارح رحت شريت الغرفه ولونها بني غامق مع ذهبي
وش تنصحيني احط لون الارضيه لاني بحط باركيه احلى الغامق ولا الفاتح
وكمان الجدران ودي احط ورق وش الافضل الورق ولا البويه وايش افضل الالوان ودي ادخل لون مميز بس مادري ياليت تساعديني
والف شكر مقدما

هلا وغلا منوره بين اخواتك
وبصراحه من جد جيتي بوقتك
ابي افكار لمدخلي توني جددته وصبغت الجدار لون عودي ساده على اساس اخلى التحف والمدخل ذهبي
اشتريت بعض الشمعدانات قلت احطها فوق طاوله المدخل واشتريت لوحتين ذهبيه بس مدخلي صغير مافي مجال اسوي افكار تاخذ مساحه
اول ماتدخلين من الباب الرئيسي في جدارين على يمينك ويسارك بس انا ماراح احط شي على اليمين لان الباب ينفتح عليه لكن على اليسار في مساحه احط طاوله او اعلق شي في مجال بسيط
بعد كذا في زاويه على اليمين وباب المجلس وبعد الباب في زاويه بعد يعني باب المجلس بين زاويتين
قدامي على طول جنب الزاويه باب للصاله جنب باب الصاله في مساحه بسيطه تكون بالواجهه اشتريت لها مدخل طاوله ذهبي ومرايه على يسارها كان في باب للصاله بعد انا لاغيته من داخل الصاله حاطه الكنب عليه مدري وشلون الغيه من برا فكرتي احط ستاره ذهبي بس فيه درج وحده بس يعني مافي مجال احط كرسي او اريكه مدري وش احط
قدام هذا الباب في مغسله وجنبه باب الحمام وعلى يمينه باب للمقلط
ان شاء الله وصلت فكره المدخل ومحتاره والله مره ياليت تساعديني
وماعليه طولت عليك

وعليكم السلام ورحمة الله وبركاته
أهلا بكِ أختنا الكريمه بهذ الصرح
وإن شاء الله تفيدي وتستفيدي معنا
وجزاك الله خير على تقديم جهودك لأخواتك ولاحرمك الله الأجر ..
دمتِ بخير..

محال دوام الحال
اهلا وسهلا اختي الغالية انشالله بنكون عند حسن ظنكم
اختي بالنسبة لغرفتك انصحك بالباركيه ان يكون افتح بقيل من غرفة النوم
((لان الفاتح جدا يقلل من الفخامة والغامق سوف يضيق الغرفة)) فالافضل ان تضعي لون افتح من الغرفة بدرجتين او ثلاثة وبالنسبة للجدران انصحك بالبويا لانها تعطي فخامة اكثر واللون ((اللؤلؤي عند جوتن))من اجمل الالوان لغرف النوم وهو لون جديد وراقي جدا
موضروري من عند جوتن بس المهم تشوفي الدرجة اللؤلؤية على سكري مو علي بينك

غاليتي سارونة غدا ان شاء الله اضع لك فكرة مناسبة واشكركم جميعا على الترحيب والتستقبال الجميع
انا رايحة جهز العشاء لزوجي توه راجع من الشغل
سلامات حبيباتي
شكرا غاليتي صدى السعودية عى الترحيب

السلام عليكم وحمة االله وبركاته
اول شي مشكوره أختي لولو عى هاالمبادره الطيبه ....
هذا رسم مخطط للبيت
سؤالي عندي الزوايا اللي انا مرقمتها محتاره ماادري وش أحط فيها
والمساحه الفاضيه اللي مقابله للمطبخ والجدار رقم اربعه
أتمنى تساعديني ....ولكي مني جزيل الشكر والامتنان

الف الف الف شكر
والله ماقصرتي والله يجعله في ميزان حسناتك
والله يسخرلك زوجك ويخليلك عيالك واذا ماعندك عيال الله يرزقك يارب
وعلى فكره طلعت مهندست ديكور انا بعد ههه
والله نفس الافكار الي في بالي

فديت قلبك وحياك
صالتي تقريبا5في4
لكن الكنب L تقريبا 3في4
والسجاد مستطيل 2في3 يعني مقاس الفراغ اللي بالوسط من الكنبه للكنبه اللي متواجهتين
بالنسبه للطاوله وش الحل؟
مربعه والا مستطيله كبيره والا صغيره
مادري ياليت تفيديني
الله يجزاك خير

وينك أختي لولو أنتظرك