لحل جميع مشاكل الشعر عن تجربه روعه

السلام عليكم ورحمه الله وبركاته
اخباركم صباياا
ماادري بصراحه من وين ابدأ
بدخل بالموضوع سيده لاني مااعرف للمقدمات
يابنات شي عجيب
غير شعر اختي مليون بالميه
والله ان كل وحده تشوفها تسألها وش مسويه بشعرك ؟؟
هذا غير الي يقولون انها مسويه وصله والعياذ بالله >> من قوه الصدمه خ
طبعا تستغربون رده فعل العالم
بس بصراحه انا يااختها تفاجأت بشعرها
كان منتف لين كتوفها الشعره نفسها ذبلانه هذا غير التقصف
ماخلت شي وماجربته لدرجه انها سمت نفسها فار تجارب خ
كل دكتور تروح لها يعطيها لستت ادويه وخرطي وغالبا يقولون عادي شعرك مافيه شي
الطبيعي تطيح 50 شعره باليوم
>>> المسكينه قربت تصلع
ماخلت زيت الا وجربته النخاع السمسم الحيه وكل مايطرا على بالك من زيوت
وانا بس اقرا واقولها وهي تجرب لول
لاهي الي فادت ولاضرت
اما زين الاتات بخاخ الشعر حقه خرطي جلست سنه وهي تستخدمه ماسوا شي يذكر
حتى وجدت الحل الفتاك في اربع شهور بس
شعرها انتعش تحسين فيه حياه
وقف التسااقط وكثر و طال ماشاء الله تبارك الله
الحين شعرها لين اخر ظهرها
بصراحه الله يجزاها خير الي دلتنا عليه
ماشاء الله تبارك الله شعور بناتها تجن طول وكثر ونعومه وصحه
تخيلوا وحده منهم كبيره فوق الاربعين وعندها اطفال ماشاء الله شعرها لين الركبه وتقص بعد يعني لوتخليه صار طولها ماشاء الله
ادري اني طولت عليكم وطفشتكم
بس ابي احاول اعطيه حقه ووصل الصوره مثل ماشفتها بعيني
وانا والله العظيم انه مايدخلني منه ريال واحد يعني لاتظنون انه دعايه
وسعره مره رخيص (55) ريال
الي هو
حنا المها
هذا سلمكم الله وحده تسويه عباره عن حنا وخالطه معاه اعشاب مفيده كلها طبيعيه
الطريقه
موضحه على العلبه
( انا شعري جاف صرت اخلطها ثم اضيف ملعقتين من زيت السمسم وطلع روعه فيه لمعه ومانشف شعري)
هذا غير ريحته حلوه كنها ورد
صديقتي زوجها انهبل يسالها وش حاطه وهي كل مامرت عنده تنفض شعرها
ولا انسى تقولون وداعا للقشره بعد اليوم
بااختصار
علاج لجميع مشاكل الشعر
موجود بمحل اسمه ممدوح العتيبي مقابل للعطار باسواق الدغيثر بس عنده هو ينباع
الوصف
في ام الحمام تخلون مسجد الملك خالد على يمينك وتمشون سيده يجي على يمينك مبارك هو بعده على طول اسواق الدغيثر
الحين عاد نجي للدلوعات :ق1:
الي تقول وع حنا كيف اصبغ >>> لاحقه عليها عدليه اول بعدين اصبغي
بسألها وش عندك احلا ؟؟
شعر زينب العسكري(اسود كثيف وطويل )
والا شجون الهاجري( قصير وقليل ولونه على اخر موضه )
انا مابي شي منكم بس شي جربته واعجبني وان مانفع اكيد ماراح يضر
ابحثي عن فوائد الحنا تلقينها خطيره واحنا غافلين عنها فما بالك اذا كان مضاف له اعشاب مفيده كمان
خواتي انا ماكتبته الا عشانكم
لا تبخلون علي بدعوه حلوه مثلكم
( ياارب وفقني بديني ودنياي وسخر لي زوجي واحفظ لي ذريتي وجعلني من اهل الجنه يارب )
رجاء لااحد يطلع من غير لايرد اقل شي رفع
واي سؤال انا حاضره تحت امركم