لذيذة وسهلة وسريعة لضيوفك تقدم مع الشاي

السلام عليكم
اهلين وسهلين بالجميع
اليوم حبيت اقدم لكم شي تقدمونه لضيوفكم مع الشاي اذا الوحده ماعندها وقت تعجن وتفرد وتخبز
هذا ياطويلات العمر ( بعجينه البف باستري )
وهديه مع هالطبق ام علي لان المالح هذا اجباري تسوين ام علي معاه مو بشرط بنفس الوقت ا اقول لكم السالفه بعدين
نبدا الشغل
طلعي البف قبل بساعتين او على الميكرويف ولاتطول فيه بعدين تسير ملزقه في بعض انتبهي
المطلوب قطاعه باي شكل دائري
وقواره الكوسه تبع المحشي تقطع فيها الدائره
وهذي الصوره للتوضيح
تقطع وترص بالصينيه وباقي الزوايد توضع في صينيه ويحمر وتسوين فيه ام علي متى مافضيتي
تدهن بالبيض بفرشاه السيلكون اللي من حبي لها كتبت فيها موضوع خاص فيها
وتحمر
وتحشى بجبنه سائله المراعي بطعم القشطه روعه طعمها
بواسطه انبوب الابره عشان مايتوسخ البف وتغمس في الزعتر والسماق
وطعم الجبنه السائله مع البف روعه
وتفنني انتي في الاشكال والتقطيع وتقدم في السله وبعضها حطيت نقطه جبنه ورشيتها زعتر وبعضها سماق وبعضها حشيتها ومارشيتها شي
اوتقدم صحن كبير
صور قريبه عشان اللي تبغى تاخذ حبه
وعوافي على قلوبكم وقلوب ضيوفكم
وتقدري تقطعي الاشكال وتحفضيها في الفريزر لين يجيك ضيوف وتدخليها على طول الفرن وتحشي
للامانة منقول وداعواتكم يا حلوين شاو