لسه ما جبتي هديه لزوجكتبين هديه مجانية تعالي روعه

السلام عليكم ورحمة الله وبركاته
كل سنة وانتم طيبين وبخير وصحة وعافيه وشملكم ملموم وحبكم اكثر وازواجكم مسخرين لكم يارب
ندخل بالموضوع على طول
هذا العيد قررت اهدي زوجي هدية خاصة من صنع يدي وفكرتي انا ما ابي افكار من بره ولا ابي اشتري شي ابي شي مميز>>وميزته انه من صنع يدي
جات ببالي فكره قبل اسبوعين قلت ما حتزبط وتركتها
لكن الليله قلت يا انا يا هي >>وفزت انا
المهم الفكرة مثل ما قلت فكرتي والتصميم والتنفيذ خاصين فيني وما عندي مانع اي وحده تستفيد من الفكرة لاي غرض حلال سواء شخصي او تجاري
والفكرة هي:
قررت اعمل صورة زوجي على خدادية>>>حتقولوا هذي فكره قديمة ومعروفه والمحلات مليانه
اقول اي لكن الجديد بالفكرة انك تعملينها بالبيت وبدون تكاليف
التصميم والتنفيذ:
جبت خدادية مربعه موجوده عندي محشيه زين ومنفوخه
وجبت بلوزة (فانيلا) بيضاء قديمة لكن لونها زاهي ما تكون متسخه او اي لون تحبي لكن الابيض اسهل شي بعد شوي بتعرفوا ليش
يعني المطلوب منك:
خدادية
بلوزة فانيلا (يعني خفيفة)
مقص
ابره وخيط
ازرار قميص(اختياري)
قلم لوح اسود ( يعني اللي يكتبون فيه على الكرتونوالالواح)
صورة لزوجك والافضل لو كانت مرسومة رسم
تقصين القماش اكبر من الخدادية بشوي >>لانك بتخيطينها مفرش لها
تخيطين 3 جهات لكن تشدي القماش عالاخر وانت تخيطي لما تنتهي من الثلاث جهات اتركي الناحية الرابعه مفتوحه
من الناحية المفتوحه تدخلي صورة زوجك
طبعا رح تبان واضحه من القماش الخارجي
تجيبين القلم وترسمين صورة زوجك على القماش(تطبعينها طباعه عن الصورة اللي تحت القماش)
بعد ما تنتهي تاكدي انك ما نسيتي شي
ومفضل تكون نسخه عن نفس الصورة بجانبك مشان تتاكدي قبل ما ترسمي
انتهيتي؟
خلاص خيطي الناحية الرابعه
ولك باقي الزينة حسب ذوقك
انا مثلا احضرت 5 ازرار كبيرة وخيطت 4 منهم بجانب بعض كل 2 يكونون بجانب بعض وفوق منتصفهم الخامس بيصير شكل وردة>>اتمنى فهمتو قصدي
وتحت الصورة وقعت اسمي والتاريخ والساعه
طلعت جنان
رحت للناحية الثانية من الخدادية وكتبت عليها i love youبشكل فني وحلو ومعرج ورسمت حلوها قلوب حمراء ووردية
وهيك نكون انتهينا
هديه حلوة, مميزة, مجانية, ومن صنع يديكي
ما ابي منكم الا دعوة صادقة
واللي تجربها تقولنا النتيجة
واعتذر لعدم وجود صور لكن السبب انه صورة زوجي عليها ما اقدر اعرضها